Berisha reagon pas investigimit të CNA/ Si po pasurohet Blushi nga lidhjet mafioze me Ramën

13 Shkurt 2020, 11:51, Politikë CNA

Ish kreyministri Sali Berisha ka reaguar pas lajmit të publikuar në CNA.al lidhur ?Lori Kafe? e cila nuk do jetë më në pronësi të Vjollca Hoxhës dhe trashëgimtarëve të të ndjerit Dritan Hoxha, por 51% të aksioneve të kompanisë i zotërojnë pronarët e konçesionit të incerneratorëve dhe Ben Blushi drejtori i Top Channel nëpërmjet bashkëshortes së tij.

Berisha shprehet se lidhjet e Arben Malavitës me pronarin e inceneratorëve me të cilin u grabitën 320 milionë dollarë nuk kanë të ndalur.

Sipas Berishës, Arben Malavita siç quan ai, po pasurohet në mënyrë marramendese për shkak të lidhjeve të tij mafioze me Ramën!

?Klamoroze! Arben Malvita dhe Kodjan Mafiozi blejnë dhe Lori Kafenë!
Sa më shumë kanë vjedhur aq me shumë duan të vjedhin. Miq, oreksi vjen duke ngrënë, për hajdutët dhe mafiozet kjo dmth sa më shumë ke vjedhur aq më shumë do që të vjedhësh. Lidhjet e Arben Malavites me mafiozin e djegesve (inseratorve) me të cilin u grabitën shqiptarëve 320 milionë dollarë nuk kanë të ndalur. Tani kjo dyshe famezeze, në të cilën Blushi përfaqësohet nga bashkëshortja e tij Eva me kompaninë e tyre të rregjistruar në Sofje po blejnë me 2 milionë dollarë Lory Kafene! Se ku i gjeti Arben Malavita 2 milionë dollare për të blerë Lori Kafene e di ai vetë. Por e vërteta është se po pasurohet në mënyrë marramendese për shkak të lidhjeve të tij mafioze me Ramën! Arben Malavita ka shndërruar Teleblushin në lëpirësin nr 1 të Edvin Mafise ndaj dhe ai tani fiton çdo gjyq dhe tender që do të fitoj?, shkruan Berisha.

Kujtojmë se në një material të publikuar dje CNA.al zbuloi se në Bullgari ekzistonte një kompani EM Capital Group AD, e cila ka tre ortakë Klodian Zoton, Mirel Mërtirin dhe Eva Blushin. Dy të parët pronarët e famshëm të kompanisë që ka konçesionin e incerneratorëve dhe e treat bashkëshortja e Ben Blushit drejtorit të Top Medias, ish-gazetarit që pak kohë më parë dështoi në politikë por që po gjen rrugën e suksesit si menaxher në media.

Sipas të dhënave zyrtare siguruar nga CNA.al kompania bullgare EM Capital Group AD, me pronarë Klodin e inceneratorëve dhe bashkëshorten e Ben Blushit ka blerë 51% të aksioneve të kompanisë VALTELINA shpk, themeluar nga Dritan Hoxha në tetor te vitit 1993. Kjo kompani është edhe mbajtësja dhe prodhuesja e brandit Lori Kafe dhe disa kafeve të tjera në treg./CNA.al

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?