web counter
LEXO PA REKLAMA!

SHKARKO APP

App Store
Google Play

E fundit!

x

“Krimi i pafuqishëm të godasë politikanët”/ Spahiu: Ja kur mund të ndodhin atentate ndaj krerëve të partive

10 Shkurt 2020, 20:40, Politikë CNA

Ish-kryetari i Aleancës Kuq e Zi, Kreshnik Spahiu ka komentuar shoqërimin e Vladimir Gjutës, i cili u ndalua me armë dhe para nga garda e selisë së PS-së dhe më pas iu dorëzua policisë.

Spahiu deklaron se të dhënat e deritanishme janë të pamjaftueshme se Vladimir Gjuta ishte duke planifikuar një atentat politik ndaj kryeministrit Edi Rama.

Sipas tij, me këto prova, Gjuta duhet të shkojë vetëm për veprën penale të ?armëmbajtjes pa leje? në gjykatë, por nëse dalin prova të tjera, ai thekson se duhet një hetim më i thellë.

Politikani bëri deklaratën e fortë se atentate mund të bëhen vetëm në momentin kur krerët e partive janë në paqe me njëri-tjetrin.

?Atentatet mund të kryehen në 4 mënyrë, nga kundërshtarët, nga krimi kundër politikës, nga njerëz të mendur që ku di unë, duan të bëhen Avni Rustemi dhe e katërta, nga persona të brendshëm të lidhur me krimin. Krimi në Shqipëri është i pafuqishëm të godasë politikanët.

Nëse ndodhin atentate mund të ndodhin kur kanë paqe këta dhe jo kur janë në protestë. Nuk e mendoj se ka qenë atentat?, theksoi Spahiu në emisionin “Open”./ CNA.al





Lajmet e fundit nga