web counter
LEXO PA REKLAMA!

SHKARKO APP

App Store
Google Play

Spaho i publikon videon Ramës/ “Shqiptarët duan ndryshim”

10 Shkurt 2020, 11:28, Politikë CNA

Nënkryetari i PD, Edmond Spaho ka publikuar një video të kryeministrit Edi Rama ku sulmon opozitën për deklaratat e tyre dhe akuzat për krimin e lidhur me pushtetin.

Spaho thotë se Rama është i pabesueshëm, ndërsa e akuzon këtë të fundit si pjellën e krimit dhe avokatin më besnik të kriminelëve më të rrezikshëm të vendit.

?Edi Rama i bëri trafikantët e drogës, vrasësit, përdhunuesit, deputetë, kryebashkiakë, drejtorë të rëndësishëm në qeverisjen e vet të kriminalizuar. Është kaq hipokrit me të ashtuquajturin ligj antiKÇK, saç ishte dje, kur mbronte kriminelët e tij nga ligji i dekriminalizimit dhe kur mohonte se më Shqipëri nuk mbillej kanabis.

Edi Rama është i pabesueshëm dhe i dështuar në luftën kundër krimit dhe pasurive të tij. Është ai që u ka dhënë trafikantëve të drogës leje ndërtimi,  që vazhdon t?u japë bosëve të krimit dhe familjarëve të tyre tendera publikë dhe koncesione, duke u dhënë mundësi të pastrojnë paratë e pista?, shkruan ai në një postim në një postim në rrjetet sociale.

Demokrati deklaron se shqiptarët duan ndryshim dhe të vetmen rrugë për të luftuar krimin e organizuar quan largimin e Ramës./ CNA.al





Lajmet e fundit nga