web counter
LEXO PA REKLAMA!

SHKARKO APP

App Store
Google Play

Kapen tre persona me rrezikshmëri të lartë/ Sekuestrohen armë, municione dhe një makinë e blinduar

20 Dhjetor 2019, 08:32, Kronika CNA

Një tjetër operacion për kapjen e personave me rrezikshmëri të lartë shoqërore, është finalizuar nga policia në Fier.

Mësohet se në kuadër të këtij operacioni janë vënë në pranga 3 persona me precedent penal në fushën e krimeve kundër personit, pronës dhe armëmbajtjes pa leje.

Burime nga policia bëjnë të ditur se në pranga kanë rënë shtetasit:  Sh. K., 33 vjeç, banues në Fier, i dënuar më parë për armëmbajtje pa leje, A. B., 35 vjeç, banues në Fier dhe R. L., 20 vjeç, banues në Fier;

Sipas uniformave blu, gjatë kontrollit të ushtruar nga strukturat e DVP Fier, në fshatin Çlirim, Fier, në mjetin e blinduar Audi A8, i cili drejtohej nga shtetasi R. L., poshtë sediljes së parë të pasagjerit, ku ishte ulur shtetasi Sh. K., u gjetën dhe sekuestruan 2 armë zjarri tip pistoletë dhe 2 krehëra me 24 fishekë.

Gjatë kontrollit personal, shtetasit R. L. iu gjet dhe sekuestrua një mjet prerës (thikë), që e kishte në çantën e dorës.

Gjithashtu, gjatë kontrollit personal të ushtruar ndaj shtetasit A. B., u gjet dhe u sekuestrua një mjet prerës (thikë).

Mësohet se janë sekuestruar në cilësinë e provës materiale 2 pistoleta, 2 krehëra me 24 fishekë, 2 mjetet prerëse dhe automjeti i blinduar Audi A8.

Materialet i kaluan Prokurorisë pranë Gjykatës së Shkallës Parë Fier, për veprat penale “Armëmbajtje pa leje” dhe “Mbajtja pa leje e armëve të ftohta”./ CNA.al





Lajmet e fundit nga