web counter
LEXO PA REKLAMA!

SHKARKO APP

Gardiani i burgut vret me armën e shërbimit dy persona/ Zbulohen emrat e viktimave

19 Dhjetor 2019, 12:19, Kronika CNA

Detaje tronditëse kanë dalë në dritë në lidhje me ngjarjene rëndë që tronditi Fierin, rreth mesditës së sotme, ku dy persona mbeten të vdekur.

Mësohet se autori i ngjarjes së rëndë është Martin Skëndaj, gardian i burgut të Fierit.

Burimet bëjnë të ditur se Skëndaj ka qëlluar me armën e shërbimit duke lënë të vdekur dy persona, njëri prej të cilëve gjeti vdekjen në vend, ndërsa tjetri ndërroi jetë në spitalin e Fierit.

Policia mundi të arrestojë në kohë rekord autorin e ngjarjes, si dhe sekuestroi armën e zjarrit.

Martin Skëndaj ka qëlluar me armë zjarri në ambientet e Poliklinikës së Patosit, duke lënë të vdekur shtetasin Elis Kapaj, 22 vjeç, ndërsa Manol Rrapaj, 26 vjeç nuk mundi t’i mbijetojë plagëve të marra dhe ndërroi jetë në spital. Të dy viktimat janë nga Patosi.

Ngjarja dyshohet të ketë ndodhur si pasojë e grindjes mes dy palëve, për motive ende të paqarta.

Policia thotë se po punon për zbardhjen e plotë të rrethanave të ngjarjes.

Plumbat trondisin Fierin/ Shkon në dy numri i viktimave





Lajmet e fundit nga