web counter
LEXO PA REKLAMA!

SHKARKO APP

App Store
Google Play

Plagosja në Sauk/ Policia përmbys ngjarjen: Nuk pati të shtëna

19 Dhjetor 2019, 18:36, Kronika CNA

Policia ka përmbysur para pak minutash ngjarjen e raportuar për disa të shtëna me armë në Sauk, ku mbeti i plagosur edhe një person.

Blutë raportojnë se 38-vjeçari S.Xhaferri nuk është plaggosur me armë zjarri siç u raportua në fillim, por me mjete të forta.

Sipas bluve ngjarja ka ndodhur si pasojë e një konflikti me një shtetas tjetër, ndërsa 38-vjeçari ka marrë dëmtime në kokë dhe në këmbë.

Sakaq, policia ka shoqëruar në ambientet e Komisariat të Policisë Nr.1 personat që dërguan Xhaferrin në spitalin e Sanatoriumit dhe kanë hapur hetimet për zbardhjen e plotë të ngjarjes.

Tiranë/Informacion paraprak:

Rreth orës 18:20, ka mbërritur me ambulancë në spital, jashtë rrezikut për jetën shtetasi S. Xh.,38 vjeç, i cili kishte dëmtime në kokë dhe ne këmbët, ku paraprakisht u dyshua se ishte plagosur me armë zjarri

Nga këqyrja e mëtejshme e bërë nga mjekët rezultoi se dëmtimet janë shkartuar me mjete të forta dhe jo nga armë zjarri

Ngjarja ka ndodhur ne afërsi të rrethrrotullimit të rrugës së Elbasanit në drejtim të Saukut, ku fillimisht shtetasi S.Xh, është transportuar me një automjet drejt Sanatoriumit në Sauk dhe më pas është kërkuar ndihma e ambulancës e cila e ka transportuar në SQU për ndihmë mjekësore.

Nga veprimet e para dyshohet se ngjarja ka ndodhur si pasojë e një konflikti me një shtetas tjetër.

Personat që e kanë transportuar drejt Sanatoriumit me mjet janë shoqëruar në ambientet e Komisariat të Policisë Nr 1 për sqarimin e rrethanave te ngjarjes.

Grupi hetimor po vijon punën për zbardhjen e rrethanave të ngjarjes, identifikimin dhe kapjen e autorit./ CNA.al





Lajmet e fundit nga