web counter
LEXO PA REKLAMA!

SHKARKO APP

App Store
Google Play

E fundit!

x

"Babalja"/ Artan Hoxha i del në mbrojtje Olldashit: Historinë nuk e publikoi gazetari

10 Dhjetor 2019, 19:25, Aktualitet CNA

Gazetari Artan Hoxha ka dalë në mbrojtje të gazetarit Jetmir Olldashi, për të cilin Prokuroria kërkoi sot të dënohet me 1 vit burg për dosjen “Babale”, dënim ky që të zëvendësohet me 200 orë pune publike të detyruara.

Hoxha tha se Olldashi nuk e ka publikuar historinë dhe nuk ka pse të dënohet për këtë, ndërsa theksoi se i vetmi gabim i tij ishte se mori në pyetje “Babalen” në selinë blu.

“Gazetari nuk i ka nxjerrë të gjitha provat se beson se nuk kanë qenë të mjaftueshme. Ai nuk e ka publikuar, gjë që thotë se nuk e ka krijuar bindjen, historia nuk është publikuar nga gazetari Olldashi, historia është publikuar nga PD dhe më pas Olldashi është thirrur në 2 të natës në selinë e PD dhe i ka marrë intervistë “Babales”. Ky ka qenë gabimi i tij se ka dashur të mbledhë prova.

Gazetari nuk e ka bërë këtë gjë se nuk ka krijuar bindjen. Sot jemi në momentin që ngjarjet mund t’i shohim. Historia nuk është publikuar nga gazetari dhe akuza ndaj gazetarit bie. Gazetari nuk ka bërë gabim, nuk e ka publikar se nuk ka pasur bindjen ose nuk ka akumuluar provat”, deklaroi ai në emisionin “Mbrëmje në ABC”./ CNA.al





Lajmet e fundit nga