web counter
LEXO PA REKLAMA!

SHKARKO APP

App Store
Google Play

2 javë pas tërmetit/ Manastirliu tregon gjendjen e të plagosurve: I kemi dhënë rëndësi trajtimit psikologjik

10 Dhjetor 2019, 16:44, Sociale CNA

Ministrja e Shëndëtesisë Ogerta Manastirliu ka folur sot për gjendjen aktuale të personave që janë prekur nga termeti i 26 nëntorit si nga ana fizike, ashtu edhe nga ajo psikologjike.

Manastirliu theksoi se prioritet përbëjnë praktikat për shërbime psikologjike, të cilat janë vënë në veprim dhe vijojnë të jenë aktive.

Sipas Manastirliut, tek fëmijët, trajtimi psikologjik është shumë i nevojshëm pasi trauma pas termetit që kanë kaluar nuk është e vogël.

?Shërbimi psikosocial i rëndësishëm për ata që kanë nevojë në raport me terapi të ndryshme, si psh. terapia e lojës tek fëmijët ka rezultuar shumë e suksesshme. Duhet të socializohen me njëri tjetrin dhe të heqin panikun e krijuar nga termeti. Mësuesit, janë edhe ata të integruar, po bëhet edhe një plan individual për fëmijët dhe prindërit, jo vetëm kolektiv. Po i paraprijmë që të shmangim problematikat?, është shprehur Manastirliu.

Në lidhje me personat e plagosur që ndodhen ende në spitale duke marrë trajtim mjekësor,

Ministrja tha se të gjithë janë në gjendje të përmirësuar dhe ndodhen jashtë rrezikut për jetën. Ajo bëri publike shifren e personave që janë ende të shtruar në spitale jashtë vendit, në spitalin e Durrësit dhe në spitalin e Traumës. Në total në spitale gjenden 21 të plagosur.

?Të shtruar jashtë vendit janë Ramë Lala, Rami Shkodra, Albert Cara të cilët janë në terapi intensive, të plagosur, por në gjendje të stabilizuar. Deri më tani kam qenë komunikim, kur të bëhën mirë do të mund të dalin. Në spitalet tona nuk kemi asnjë pacient në gjendje të rëndë, kam folur me drejtorin e traumës. Në rast se do të ketë nevojë për trajtime të specializuara, i kemi dyert ndërkombëtare të hapura. Në spitalin e traumës gjenden 16 të plagosur dhe 2 të tjerë janë në spitalin e Durrësit?, tha Ministrja e Shëndetësisë./CNA.al





Lajmet e fundit nga