web counter
LEXO PA REKLAMA!

SHKARKO APP

App Store
Google Play

Fatura e tërmetit/ Malaj i kërkon Ramës transparencë

9 Dhjetor 2019, 20:34, Politikë CNA

Ish ministri i Ekonomisë dhe Financa, Arben Malaj i ftuar në Report Tv, ka folur lidhur me situatën post-tërmet në vend.

Malaj ngurroi të jepte një shifër totale të asaj çka mendohet se mund të jetë kostoja totale e dëmeve, ndërsa e vuri theksin tek transparenca e qeverisë.

Malaj ngriti pikpyetje lidhur edhe me mungesin e disa faktorëve kyç në  menaxhimin e krizës, si ajo e Kryqit të Kuq Shqiptar.

?Nuk kam guxuar të them një shifër, edhe në media të tjera nuk e kam thënë këtë. Menaxhimi total i krizës kërkon një buxhet suplementar. Megjithëse këmbëngul, qeveria duhet të jetë transparente.

Të bëjë transparente pse Kyqi i Kuq Shqiptar nuk është pjesë e menaxhimit të krizës!? Çfarë ka ndodhur!? Pavarësisht nga arsyet, gjërat duhet të bëhen transparente.

Në momentin që nuk përfshihet Kryqi i Kuq, mjeket pa kufi apo pse jo dhe Gjysmë Hëna e Kuqe, diçka ecën më ngadalë.

Kam parë shumë organizata që kanë mbledhur para. Por më mirë është të investojnë në diçka që mbetet se sa në gjera të konsumit të përditshëm?, theksoi Malaj ndër të tjera./CNA.al





Lajmet e fundit nga