web counter
LEXO PA REKLAMA!

SHKARKO APP

App Store
Google Play

“Qesharakë dhe karagjozë"/ Meta sulmon sërish ambasadorët

23 Nëntor 2019, 17:16, Politikë CNA

“Presidenti Meta nuk ndalon asnjë ambasador të bëhet qesharak dhe karagjoz”. Kështu shprehet zëdhënësi i presidentit Ilir Meta, Tedi Blushi, përmes një postimi në rrjetet sociale, teksa shkruan se ambasadorët nuk duhet të hyjnë në debate juridike që nuk ekzistojnë.

Në mënyrë të qartë, kreu i shtetit u sugjeron këtyre diplomatëve se mund të ankohen vetë në Komisionin e Venecias dhe të zgjidhin ?dilemën? se kush është më e rëndësishme; Kushtetuta e Shqipërisë apo Dvorani i Partisë?

“Presidenti Meta nuk ndalon asnjë ambasador të bëhet qesharak dhe karagjoz duke hyrë në debate juridike që nuk ekzistojnë, pasi Kushtetuta dhe ligji për Gjykatën Kushtetuese e kanë të shkruar qartë dhe prerë se Presidenti s’mund të bëjë dy emërime të menjëhershme në Gjykatën Kushtetuese.
Por Presidenti nuk i ndalon ata t’i drejtohen vetë Komisionit të Venecias e ta pyesin: Kush është me e rëndësishme, Kushtetuta e Shqipërisë apo Dvorani i Partisë?

Ndërsa Presidenti ka një pyetje për këta dhunues të çdo norme diplomatike dhe Konvente: A i keni marrë leje Kryetarit të shtetit tuaj kur hyni në lojrat e grupit të strukturuar diplomatik për të diskutuar dekretet e Kryetarit të një shteti që e ka shpallur Pavarësinë që në vitin 1912?!” shkruan Blushi në reagimin e plotë./CNA.al





Lajmet e fundit nga