web counter
LEXO PA REKLAMA!

SHKARKO APP

App Store
Google Play

Ngërçi në Kushtetuese/ Topi zbardh detaje nga biseda me Metën: Nuk ishte rasti për tu këshilluar

23 Nëntor 2019, 17:13, Politikë CNA

Ish presidenti Bamir Topi ka komentuar situatën e rëndë politike në vend, me ngërçin në Gjykatën Kushtetuese  si dhe takimin me presidentin Meta pak ditë më parë. Në një intervistë për ?Kjo Javë? teksa diskuton për ngërçin në Kushtetuese, Topi ka fajësuar politikën, duke thënë se gjithçka, përfshirë debatet dhe sherret,  e ka origjinën tek kjo e fundit.?

?Gjithçka fillon dhe e ka origjinën tek politika. Politika ndërton institucionet, ndërton debate dhe bën sherret. Në rastin konkret jemi në një situatë gati gati të pashpresë për ta zgjidhur, përplasjet e palëve i janë drejtuar Gjykatës Kushtetuese, dhe tani bëhet fjalë  për një institucioni të munguar?, është shprehur Topi.

I pyetur se çfarë i këshilloj presidentit Meta, gjatë takimit me të, Topi thekson se nuk ishte rasti për të këshilluar, por për tu njohur me detajet.

Për ish presidentin ndryshimet kushtetuese të 2008-tës kanë dëmtuar institucionet duke i dobësuar ato.

?Nuk ishte rasti për të këshilluar .U njoha për situatën në detaje dhe patjetër që është vetë presidenti që merr të gjitha iniciativat. Unë e thashë se të gjithë presidentët kanë shërbyer në kohëra tjera.Unë besoj se jemi në situata të tjera. Mbas vitit 2008, e gjithë situata e institucioneve është pak a shumë e njëjtë. Sepse pati një ndryshim institucional të institucioneve. Institucioni i Presidenti mbeti në terminal.

Gjithçka vendoset nga maxhoranca e radhës. Sot kemi një kryeministër, kemi apo s?kemi parlament nga pikëpamje e fuqisë politike, them që jo. Nga ana tjetër kemi një braktisje nga opozita institucionale. Nga ana tjetër kemi presidentit, që relativisht është i dobët si institucion, jo si individ?, ka thënë ndër të tjera ish Presidenti./CNA.al





Lajmet e fundit nga