Connect with Us

Gjyqtari i Çapjas fshehu pasurinë?/ Kush e shpëtoi nga hetimet Tomorr Kullollin

Vetingu

Gjyqtari i Çapjas fshehu pasurinë?/ Kush e shpëtoi nga hetimet Tomorr Kullollin

Publikuar

-

Vettingu po vijon me ritme të shpejta, ndërkohë që skandalet në drejtësi nuk kanë të ndaluar.

Ka ende gjyqtarë dhe prokurorë e që e sfidojnë hapur Vettingun, me anë të vendimeve që ata marrin.

Pa kaluar tek emrat, ajo që mund të thuhet është se këta gjyqtarë dhe prokurorë ose i përkasin grupit të famshëm tashmë “kap çfarë të kapësh”, pasi ndjejnë fundin, ose janë të dobët profesionalisht.

Së fundmi është vënë alarmi nga Policia, në lidhje me dy vendime gjykatash, njëri prej të cilëvë është marrë nga gjyqtari i Elbasanit Tomorr Kullolli.

Ky i fundit, nën petkun e zi të gjyqtarit, ka vendosur të lirojë nga burgu një prej personave me precedent të theksuar kriminal Florenc Çapja.

Konkretisht Kullolli ka vendosur pushimin e çështjes penale nr. 40, viti 2006, për veprat penale “Vrasja me paramendim mbetur në tentativë, kryer në bashkëpunim” dhe “Mbajtja pa leje e armëve dhe municionit luftarak”, në ngarkim të të pandehurit Florenc Çapja, në dëm të viktimës F.M., me argumentin se nuk provohet se ai e ka kryer këtë vepër penale.

Tashmë kjo cështje, sipas të gjitha gjasave do të hetohet edhe nga Komisioni i Vettingut. Me 13 Nëntor 2019, KPK, ka njoftuar se ka  filluar procedurat e rivlerësimit për gjyqtarin Tomorr Kullolli.

Ky i fundit nuk është emër i palakuar. Pasi në vitin 2015 ILDKPKI e denoncoi për fshehje të pasurisë.

Dhe tashmë pas katër vitesh denoncohet nga Policia në lidhje me vendimin në rastin “Çapja”.

Më 13 mars 2015, nga ILDKPKI është çuar në prokurori, gjyqtari Tomorr Kullolli.

Nuk dihet se çfarë ka vendosur prokuroria, por duket se Kullolli ka arritur t’ia hedhë pa i hyrë gjemb në këmbë.

Por, paraprakisht, Inspektorati i Lartë i Deklarimit dhe Kontrollit të Pasurive dhe Konfliktit të Interesave, ka proceduar me  masë administrative.

Në deklaratat e pasurisë, gjyqtari Kullolli thotë se në vitin 2015 ka paguar gjobë tek ILKPKIKI, shumën 400 000 lekë.

Gjatë një vëzhgimi që CNA.al, ka bërë në deklaratat e pasurisë së gjyqtarit Kullolli, dalin në pah paqartësi.

Një pjesë e deklaratës së pasurisë, është e palexueshme nga mënyra si është shkruar. Ai ka të ardhura nga toka bujqësore, nga qiraja e shtëpisë, nga të qenit aksioner në dy shoqëri.

Në deklaratën fillestare të vititn 2003 ai deklaron si pasuri, tokë bujqësore 4000 m2 dhe një makinë. Një vit më vonë bashkëshortja e tij ka blerë një apartament 2 plus 1 me vlerë 1 900 000 lekë.

Në vitin 2006 Kullolli ka blerë një shtëpi private në Elbasan, me sipërfaqe trualli 255 m2 dhe ndërtesa me sipërfaqe 89 m2, me vlerë 6 800 000 lekë. Për të justifikuar blerjen e shtëpisë ai thotë se ka marrë 5 000 hua dhe 6 000 000 lekë.

Këtë shtëpi e ka dhënë me qira dhe në vitin 2008 deklaron se ka përfituar prej saj, shumën 600 000 lekë. Në vitin 2009 deklaron një kredi, por nuk e thorë shumën që ka marrë, afatin dhe për  çfarë e ka marrë.

Në vitin 2011 ai deklaron 10 ha ullinj, në Komunën Fierzë, Elbasan, për të cilën thotë se pret subvencionimin nga shteti. Po në të njëjtin viti ai deklaron se ka marrë dhuratë nga babai 400 000 lekë.

Në viti 2013 ai dekalron se është shitur toka, në Levan, Fier, përfituar nga bashkëshortja Lindita Kullolli, sipas ligjit 7501 me vlerë 6 000 000 lekë. Por, kjo pronë nuk rezulton e deklaruar më herët.

Në vitin 2014 ai deklaron se ka shitur aksione (nuk deklaron çfarë aksionesh) me vlerë 2 755 200 lekë dhe më me vlerë 1 028 500 lekë.

Po në të njëjtin viti gjyqtari ka blerë një apartament dupleks në Tiranë, me vlerë 69 371 euro, ndërkohë që i ka dhënë hua shtetasit S.Jupa, shumën 2 000 000 lekë.

Në vitin 2016, gjyqtari ka marrë në pronësi edhe një tokë arë, ullishte dhe kullotë përfituar me vendimin e Gjykatës së Tiranës. Nuk e deklaron vendndodhjen dhe vlerën. Këto ishin pasuritë e shtuar ndër vite nga gjyqtari Kulloli, ndërsa detajet po i sjellim më poshtë.

Viti 2003

Tokë bujqësore 4000 m2.

Makinë, (deklarimi, pjesa që vijon është e palexueshme)

Të ardhura nga paga në shumën 0,580 milion lekë.

Paga e bashkëshortes (nuk lexohet shifra)

Viti 2004

Ap blerë nga bashkëshortja, 2 plus 1 me vlerë 1 900 000 lekë.

Të ardhura nga paga si gjyqtar në Elbasan, në shumën 878 720 lekë.

Viti 2005

Të ardhura nga paga si gjyqtar në Elbasan, në shumën 875 146 lekë.

Viti 2006

Shtëpi private në Elbasan, me sip trualli 255 m2 dhe ndërtesa me sip 89 m2, me vlerë 6 800 000 lekë.

Të ardhura nga paga si gjyqtar në Elbasan, në shumën 902 556 lekë.

Të ardhura nga paga e bashkëshortes, në shumën 266 664 lekë.

Të ardhura nga aksionet (nuk lexohet deklarimi), në shumën 17 348 lekë.

Huamarrje për blerjen e shtëpisë, shtetasit A. Alliaj, në Vlorë, ne vlerën 2 000 000  lekë.

Huamarrje për blerjen e shtëpisë, shtetasit Sami A., në vlerën 2 000 000  lekë.

Huamarrje për blerjen e shtëpisë, shtetasit A. Xhika, në vlerën 1 000 000  lekë.

Huamarrje për blerjen e shtëpisë, shtetasit Petrit Xh., në vlerën 1 000 000  lekë.

Huamarrje për blerjen e shtëpisë, shtetasit Ardian Kullolli, në shumën 5 000 euro.

Viti 2007

Të ardhura nga paga si gjyqtar në Elbasan, në shumën 876 191 lekë.

Të ardhura nga paga e bashkëshortes, në shumën 28 210 lekë.

Të ardhura nga aksionet (nuk lexohet deklarimi), në shumën 304 025 lekë.

Huamarrje për blerjen e shtëpisë, shtetasit A. Alliaj, në Vlorë, ne vlerën 2 000 000  lekë. Shlyer 1 000 000 lekë.

Huamarrje për blerjen e shtëpisë, shtetasit A. Xhika, në vlerën 1 000 000  lekë. Shlyer 500 000 lekë.

Huamarrje për blerjen e shtëpisë, shtetasit Petrit Xh., në vlerën 1 000 000  lekë. Shlyer e gjithë shuma.

LEXO EDHE:  Hua dhe dhuarata/ Vettingu “nxjerr zbuluar” prokurorin Bledar Maksuti

Huamarrje për blerjen e shtëpisë, shtetasit Sami A., në vlerën 2 000 000  lekë. E pashlyer.

Huamarrje për blerjen e shtëpisë, shtetasit Ardian Kullolli, në shumën 5 000 euro. Nuk kuptohet se cfarë ka delaruar në këtë pjesë, pasi shifrën 5 000 euro e deklaron si të shlyer, ndërsa tek kategoria e shumës së pashlyer deklaron 2 380 179 lekë.

Viti 2008

Të ardhura nga paga e bashkëshortes si mësuese në shumën 112 840 lekë.

Të ardhura nga aksionet Remont Elektrik në shumën 600 000 lekë.

Të ardhura nga qiraja e ap, të kthyer në ambjent shërbimi, në Elbasan, në shumën 600 000 lekë.

Kredi (nuk e thotë shumën). Shuma e shlyer është 379 200 lekë, ndërsa shuma e pashlyer 2 211 767 lekë.

Humarrje për blerëjen e shtëpisë. Shuma e shlyer është 1 000 000 lekë, ndërsa shuma e pashlyer është 2 500 000 lekë.

Viti 2009

Të ardhura nga paga si gjyqtar në Elbasan, në shumën 1 015 230 lekë.

Të ardhura nga qiraja në shumën 600 000 lekë.

Kredi (nuk e thotë shumën). Shuma e shlyer është 379 700 lekë, ndërsa shuma e pashlyer 2 612 880 lekë.

Humarrje për blerëjen e shtëpisë. Shuma e shlyer është 500 000 lekë, ndërsa shuma e pashlyer është 2 000 000 lekë.

Viti 2010

Të ardhura nga paga si gjyqtar në Elbasan, në shumën 1 072 450 lekë.

Paga e bashkëshortes në shumën 44 000 lekë në muaj.

Të ardhura nga qiraja në shumën 600 000 lekë.

Kredi (nuk e thotë shumën). Shuma e shlyer është 379 200 lekë, ndërsa shuma e pashlyer 1 826 444 lekë.

Humarrje për blerëjen e shtëpisë. Shuma e shlyer është 500 000 lekë, ndërsa shuma e pashlyer është 1 500 000 lekë.

Viti 2011

10 ha ullinj, Komuna Fierzë, Elbasan, (toka e të atit që prêt ti kthehet se është e lirë), sot marrë me qira. Deklaruese prêt subvencionimin nga shteti.

Të ardhura nga paga si gjyqtar në Elbasan, në shumën 1 023 150  lekë.

Paga e bashkëshortes si përmbaruese, në shumën 531 612 lekë.

Të ardhura nga qiraja në shumën 600 000 lekë.

Dhuruar para nga babai (marrë nga dëmshpërblimi), në shumën 400 000 lekë.

Kredi bankare. Shuma e shlyer është 389 100 lekë, ndërsa shuma e pashlyer 1 617 300 lekë.

Humarrje për blerëjen e shtëpisë. Shuma e shlyer është 1 000 000 lekë, ndërsa shuma e pashlyer është 500 000 lekë.

Viti 2012

Të ardhura nga paga si gjyqtar në Elbasan, në shumën 1 293 866  lekë.

Paga e bashkëshortes si përmbaruese, në shumën 480 000 lekë.

Të ardhura nga qiraja në shumën 600 000 lekë.

Kredi bankare. Shuma e shlyer është 389 100 lekë, ndërsa shuma e pashlyer 1 346 000 lekë.

Viti 2013

Shitur toka, në Levan, Fier, përfituar nga bashkëshortja Lindita Kullolli, sipas ligjit 7501 me vlerë 6 000 000 lekë.

Të ardhura nga paga si gjyqtar në Elbasan, në shumën 1 139 904 lekë.

Paga e bashkëshortes si përmbaruese, në shumën 79 920 lekë.

Të ardhura nga qiraja në shumën 600 000 lekë.

Marrë nga aksionet tek shoqëria Refaktare, shuma 506 058 lekë.

Kredi bankare. Shuma e shlyer është 379 200 lekë, ndërsa shuma e pashlyer 1 071 162 lekë.

Viti 2014

Shitur aksione (nuk deklaron çfarë aksionesh) me vlerë 2 755 200 lekë.

Shitur aksione (nuk deklaron çfarë aksionesh) me vlerë 1 028 500 lekë.

Blerë ap dupleks në Tiranë, me vlerë 69 371 euro.

Gjendje cash jashtë sistemit bankar në shumën 1 000 000 lekë.

Dhënë hua shtetasit S.Jupa, shuma 2 000 000 lekë.

Të ardhura nga paga si gjyqtar në Elbasan, në shumën 1 343 430 lekë.

Paga e bashkëshortes si përmbaruese, në shumën 321 000 lekë.

Të ardhura nga  toka në shumën 200 000 lekë.

Marrë nga aksionet tek shoqëria Refaktare, shuma 240 993 lekë.

Kredi bankare. Shuma e shlyer është 277 088, ndërsa shuma e pashlyer 839 835 lekë.

Viti 2015

Depozitë në shumën 7 500 euro.

Të ardhura nga paga si gjyqtar në Elbasan, në shumën 1 399 800 lekë.

Paga e bashkëshortes si përmbaruese, në shumën 1 292 260 lekë.

Të ardhura nga qiraja në shumën 1 200 000 lekë.

Marrë nga aksionet tek Remonti elektrik  në shumën 500 000 lekë.

Të ardhura nga  toka në shumën 700 000 lekë.

Kredi bankare. Shuma e shlyer është 277 088, ndërsa shuma e pashlyer 562 744 lekë.

Paguar gjobë ILKPKIKI-së, shumën 400 000 lekë.

Viti 2016

Tokë arë, ullishte dhe kullotë përfituar me vendimin e Gjykatës së Tiranës. Nuk e deklaron vendndodhjen dhe vlerën.

Gjendje cash jashtë sistemit bankar në shumën 1 000 000 lekë.

Të ardhura nga paga si gjyqtar në Elbasan, në shumën 1 357 653 lekë.

Paga e bashkëshortes si përmbaruese, në shumën 511 956 lekë.

Të ardhura nga qiraja në shumën 500 000 lekë.

Të ardhura nga  toka në shumën 600 000 lekë.

Kredi bankare. Shuma e shlyer është 312 782, ndërsa shuma e pashlyer 174 86 lekë.

Viti 2017

Të ardhura nga paga si gjyqtar në Elbasan, në shumën 1 331 640 lekë.

Paga e bashkëshortes si përmbaruese, në shumën 1 863 970 lekë.

Të ardhura nga qiraja e banesës në Elbasan në shumën 200 000 lekë.

Të ardhura nga  toka, ullishtja në fshatin Fierzë, Bashkia Belsh, në shumën 1 200 000 lekë.

Të ardhurat nga tullat Refraktare në shumën 93 000 lekë.

Kredi bankare. Shuma e shlyer është 174 861 lekë. Ka përfunduar.

Viti 2018

Gjendje cash, jashtë sistemit bankar në shumën 200 000 lekë.

Të ardhura nga paga si gjyqtar në Elbasan, në shumën 1 464 501 lekë.

Paga e bashkëshortes si përmbaruese private, në shumën 2 689 104  lekë.

Të ardhura nga dëmshpërblimi në shumën 166 600 lekë.

Të ardhura nga  toka, ullishtja në fshatin Fierzë, Bashkia Belsh, në shumën 1 200 000 lekë.

Të ardhurat nga Remonti elektrik, në shumën 659 600 lekë./CNA.al

Nga akuzat për fshehje të pasurisë te vendime të paligjshme/ Kush është gjyqtari që liroi Florenc Çapjan

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

KPK e konfirmoi në detyrë/ ONM ankimon vendimin për Hajdarmatajn

Publikuar

-

Nga

Komisioneri Publik do të ankimojë vendimin e Komisionit të Pavarur të Kualifikimit, për konfirmimin në detyrë të prokurorit pranë Prokurorisë së Gjykatës së Shkallës së Parë për Krime të Rënda, Besim Hajdarmataj.

Komisioni i Pavarur i Kualifikimin në datën 16.10.2019, në përfundim të seancës dëgjimore përkatëse vendosi konfirmimin në detyrë të subjektit të rivlerësimit, z. Besim Hajdarmataj, me detyrë prokuror pranë Prokurorisë së Gjykatës së Shkallës së Parë për Krime të Rënda, Tiranë.

Por, në datën 4.12.2019, Operacioni Ndërkombëtar i Monitorimit u ka paraqitur Komisionerëve Publikë rekomandimin për të ankimuar në Kolegjin e Posaçëm të Apelimit vendimin e Komisionit të Pavarur të Kualifikimit, për konfirmimin në detyrë të Besim Hajdarmatajt.

LEXO EDHE:  Lulzim Basha, oligarku që pasurohet me qindra milionë lekë në vit

LEXO EDHE:  Pasuria 10 milionë euro e Keshilltarit Bashkiak/ Sekuestro nga gjykata

Komisionerët Publikë, pasi të njoftohen me shkrim për vendimin nga Komisioni i Pavarur i Kualifikimit, do ta shqyrtojnë atë krahas rekomandimit të Operacionit Ndërkombëtar të Monitorimit.

Ky vendim ende nuk është njoftuar.

Bazuar në pikën 1, të nenit 63, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Komisionerët Publikë, brenda 15 ditëve nga data e njoftimit të vendimit nga Komisioni i Pavarur i Kualifikimit, kanë të drejtë të paraqesin ankim pranë Kolegjit të Posaçëm të Apelimit./ CNA.al

LEXO TE PLOTE

Vetingu

Kryeprokurori i ri/ Kush është Olsian Çela, prokurori i “dosjeve të nxehta”

Publikuar

-

Nga

Kuvendi i Shqipërisë pritet të zgjedhë sot Prokurorin e ri të Përgjithshëm. Në garë janë tre kandidatë, ku i pari në listën e sjellë nga Këshilli i Lartë i Prokurorisë, është renditur prokurori i Krimeve të Rënda, Olsian Çela, e dyta është kryeprokurorja e përkohshme, Arta Marku ndërsa e treta është prokurorja Fatjona Memçaj.

Ndërkohë, burime për CNA.al bëjnë të ditur se grupi parlamentar i PS-së, si dhe një pjesë e deputetëve të opozitës parlamentare kanë vendosur që sot në Kuvend të votojnë kandidatin Olsian Çela, për të marrë detyrën e Kryeprokurorit, me një mandat 7-vjeçar dhe pa të drejtë rikandidimi.

Por, kush është Olsian Çela?!

Olsian Çela e nisi karrierën e tij në vitin 2001, pasi u diplomua në shkollën e Magjistraturës. Fillimisht ai ushtroi detyrën e prokurorit në Tiranë, në institucionin e akuzës dhe pas tre vitesh, në 2004-n u emërua prokuror tek Prokuroria e krimeve të Rënda.

Përgjatë viteve 2008- 2012, Çela ka drejtuar Prokurorinë për Krime të Rënda.

Kujtojmë se disa nga dosjet e hetuara prej tij, janë çështja e Mirit të Xhikes pronarit të Kartodromit, dosjen e trafikut nga grupi “Kompas”, si dhe çështjen e viteve të fundit që njihet si dosja “Xibraka”, ku një nga të hetuarit është edhe Ermal Hoxha, i etiketuar si nipi i diktatorit Enver Hoxha.

Prokurori Olsian Çela ka pasur nën hetim edhe Emiljano Shullazin, çështje për të cilën u përplas edhe me drejtuesen e Prokurorisë për Krimet e Rënda në vitin 2017, Donika Prelën. Çela refuzoi te merrte dosjen “Shullazi”, në kohën kur do të jepej pretenca kur prokurori Eneid Nakuçi u tërhoq nga çështja Shullazi për arsye shëndetësore. Prelaa vendosi ta zëvendësonte me short Nakuçin, gjë që prokurorët e kundërshtuan praktikën duke e cilësuar si të paligjshme.

LEXO EDHE:  Kandidati për kryeprokuror përballet me Vettingun/ Jepet vendimi për Olsian Çelën

LEXO EDHE:  Fakte/ Shqipëria vitin e ardhshëm pa Gjykata

Kjo solli ndërhyrjen direkte të Kryeprokurores Arta Marku, e cila vendosi t’i transferojë të gjithë, madje kërkoi fillimin e procedimit disiplinor për prokurorët.

Mes tyre ishte Olsian Çela. Por, pas transferimit ai ka bërë padi në Gjykatën Administrative ndaj Arta Markut, të cilën e ka fituar.

Olsian Çela ka qëndruar tre muaj në Berat dhe KLP pas vendimit të gjykatës e riktheu tek Krimet e Rënda në Tiranë.

Përgjatë viteve si prokuror, Çela nuk është lakuar negativisht, as nga ana profesionale dhe as nga  aspekti i pasurisë.

CNA.al ka zbardhur më parë pasurinë e deklaruar nga Çela për ndër vite, të cilën mund ta lexoni në linkun e mëposhtëm. Sipas të dhënave të marra nga ILDKPKI, por referuar edhe të dhënave të Open Spending Albania. Të ardhurat, rezulton t’i ketë vetëm nga paga./ CNA.al

Olsian Çela, prokurori i “dosjeve të nxehta”/ Kandidati për Kryeprokuror jeton vetëm me pagën

Tentoi ta “eliminonte në internim”/ Olsian Çela i zë vendin Arta Markut?

Olsian Çela, prokurori i “dosjeve të nxehta”/ Kandidati për Kryeprokuror jeton vetëm me pagën

LEXO TE PLOTE

Vetingu

Kandidate për SPAK/ KPK merr vendimin për prokuroren e Krimeve të Rënda

Publikuar

-

Nga

KPK ka konfirmuar në detyrë prokuroren e Krimeve të Rënda, Doloreza Musabelliu.

Musabelliu është kandidate për anëtare në Prokurorinë e Posaçme Antikorrupsion, e njohur si SPAK.

Më herët Musabelliu ka qenë drejtuese e njësisë së Anti-Korrupsionit tek Krimet e Rënda. Mirëpo në muajin Mars 2017, ish kreu i Krimeve të Rënda Besim Hajdarmataj, e shkarkoi duke e lënë vetëm prokurore të thjeshtë në njësinë kundër trafiqeve.

LEXO EDHE:  Zbulohet përse u dorëzua Agron Xhafaj në Itali

LEXO EDHE:  U përball me Vettingun/ Rikonfirmohet në detyrë prokurori i dosjes 339

CNA.al ka zbardhur më parë pasurinë e prokurores Musabelliu, të cilën mund ta lexoni në linkun më poshtë.

Prokurorja e “avionit me drogë”/ Gruaja e vetme në garën e SPAK-ut

LEXO TE PLOTE
Lajme të Rekomanduara: