web counter
LEXO PA REKLAMA!

SHKARKO APP

App Store
Google Play

Basha takon kryeministrin Plenkovic/ Kroacia, avokate e Shqipërisë në procesin e anëtarësimit në BE

20 Nëntor 2019, 12:47, Politikë CNA

Kryetari i Partisë Demokratike, Lulzim Basha ka zhvilluar një takim me kryeministrin e Kroacisë Andrej Plenkovic.

Gjatë këtij takimi, Basha ka theksuar se Partia Demokratike është e vendosur të ndërmarrë  çdo vendim dhe hap të nevojshëm për integrimin e Shqipërisë në BE.

?Kënaqësi të takoja sot mikpritësin e Kongresit të EPP në Zagreb, kryeministrin e Kroacisë Andrej Plenkovic.

Presidenca e BE nga Kroacia në Janar 2020 është një lajm shumë i mirë për Shqipërinë dhe gjithë rajonin.

Për Shqipërinë nuk ka dhe nuk mund të ketë alternativë tjetër veç integrimit në BE dhe për këtë, Partia Demokratike dhe unë jemi të vendosur të ndërmarrim çdo vendim dhe hap të nevojshëm.?-theksoi Basha.

Më tej, Bash aka folur edhe për Reformën në Drejtësi dhe atë Zgjedhore, ndërsa shkruan se ?Zbatimi i drejtë i reformës në drejtësi, reforma zgjedhore dhe zbatimi i saj sipas udhërrëfyesit gjerman, garantojnë shtetin e së drejtës, ndan  politikën nga krimi, i jep fund pandëshkueshmërisë, dhe garanton zgjedhje të lira e të ndershme.?.

Po ashtu, Basha shprehet se në këtë takim është diksutuar edhe për hapat që duhet të ndjekin për kapërcimin e krizës politike.

?Me mikun tim dhe të shqiptarëve diskutuam hapat për kapërcimin e  krizës politike në vend, e cila konsiderohet nga vendet anëtare të Bashkimit Europian si pengesë serioze për nisjen e bisedimeve të anëtarësimit të Shqipërisë në Bashkimin Europian.

Ramë dakort të koordinojmë veprimet dhe vendimet tona për të realizuar të gjitha detyrat e shtëpisë dhe për të mundësuar hapjen sa më parë të negociatave.

Kryeministri Plenkovic më garantoi se Kroacia do të vijojë të jetë avokate e fuqishme e Shqipërisë në procesin e anëtarësimit në BE.?-shkruan Basha.





Lajmet e fundit nga