web counter
LEXO PA REKLAMA!

SHKARKO APP

App Store
Google Play

Manjani liston arsyet/ Ja pse nuk mund të ngrihet Gjykata Kushtetuese

20 Nëntor 2019, 12:35, Politikë CNA

Ish-ministri i Drejtësisë në qeverinë ?Rama 1?, Ylli Manjani deklaron se Gjykata Kushtetuese nuk do të mund të ringrihet brenda këtij viti, sikurse pretendon Rilindja.

Në një postim në rrjetet sociale, Manjani liston disa nga arsyet se pse sipas tij është e pamundur që mazhoranca të realizojë premtimin që “do bëjmë Gjykatën Kushtetuese funksionale” brenda këtij viti.

?Që të sqarohemi ne dhe të huajt që shkruajnë raporte.

Gjykata Kushtetuese, pavarësisht debateve pa bukë, nuk është krijuar ende siç e premtoi Rilindja.

Sot janë të emëruar vetëm 5 gjyqtarë, kur në fakt duhet të jenë 9. Për të bërë gjyqe duhen të paktën 6 dhe, për të marrë vendime duhet të votojnë 5 pro. Gjyqe s’bëhen dot!

Ndërkohë, nga këta të 5-të që janë të emëruar, njëri (Besnik Muçi) është ende i pakonfirmuar nga vettingu. Pra është i shkarkueshëm. Tjetri (Vitore Tusha) i ka mbaruar mandati që para dy viteve.

Pra do duhet edhe një vit më shumë që të plotësohen këto vende, që mund të bëhen vakant…

Kështu që premtimi se “do bëjmë gjykatën Kushtetuese funksionale” brenda këtij viti nuk realizohet.?-shkruan Manjani./ CNA.al





Lajmet e fundit nga