web counter
LEXO PA REKLAMA!

SHKARKO APP

App Store
Google Play

E fundit!

x

"Top Channel i quajti banorët "shpellarë"/ Eni Vasili sherr live me Klevis Balliun

14 Nëntor 2019, 21:49, Denoncim CNA

Ish deputetit të Partisë Demokratike, Klevis Balliu, ka ndezur sherrin me moderatoren e “Open”, Eni Vasili, gjatë emisionit të mbrëmjes së sotme ku po diskutohet rreth prishjeve që po ndodhin në zonën e Astirit.

Konvertimi i debatit në sherr ka ndodhur kur diskutimi u kanalizua në dhunën që banorët protestues ushtruan ndaj gazetarit të TV “Top Channel”, Andi Bora. Klevis Balliu vlerësoi se nuk u dhunua gazetari por emri i telvizionit, ndërkohë që moderatorja Vasili korrigjoi duke përkufizuar: “Kjo është dhunë, nuk preket gazetari”.

“Ma trego ku është prekur gazetari, është dhunuar televizioni që i ka quajtur shpellar këto banorë”, ka këmbëngulur Balliu.

“Jo, jo, kjo është shpifje. Kur e ka thënë që banorët janë shpellarë?” iu kundërpërgjigj Eni Vasili, e cila u kërkoi banorëve të kërkojnë falje për dhunën ndaj gazetarit Andi Bora. Banorët e Unazës së Re kërkuan falje, ndërsa ish-deputeti Klevis Balliu nuk pranoi ta bënte një gjë të tillë.

“Klevis mos ndërhyj, kërko falje për dhunën ndaj gazetarëve, ose do të nxjerr jashtë!”- i tha Eni Vasili, Klevis Balliut, pasi në krah të moderatores Vasili i doli dhe analisti Andi Bushati.

“Ajo çfarë shikojmë atje është dhunë e pastër ndaj gazetarit. Kjo nuk duhet të ndodhë”, vlerësoi Andi Bushati, gjë që e detyroi çunin e Fahri Balliut të pranonte se nuk ka patur një deklaratë nga TV “Top Channel”, që ti ketë etiketuar banorët “shpellarë”./CNA.al





Lajmet e fundit nga