Connect with Us

Ikën babai emërohet i biri në krye të AMA-s/ Presim pergjigje nga dy institucione rehabilitimi për drogërat e forta

Denoncim

Ikën babai emërohet i biri në krye të AMA-s/ Presim pergjigje nga dy institucione rehabilitimi për drogërat e forta

Publikuar

-

Maklen Misha, djali i Pirro Mishës, po projektohet të jetë në krye të Autoritetit të Mediave Audiovizive(AMA). Në funksion të këtij emërimi pak më parë ka dhenë dorëheqjen nga qënia pjesë e Bordit të AMA-s, babai i tij, ndërkohë që në prapaskenë, këtë javë po përgatiten letrat për ti përcjellë në Kuvend, i cili është dhe institucioni që miraton emërimin.

Denoncimi vjen nga ish Kryeministri Sali Berisha, nëpërmjet një postimi në faqen e tij në rrjetet sociale.

“Iken babai emerohet i biri!”, e nis postimin Berisha, duke vijuar:

“Edvin Mafia dhe Lal Plehu emerojne Maklen Mishen, shkruesin e fjalimeve te ketij te fundit, per kryetar te AMA!

Babi Pirro, anetar bordi te AMA jep doreheqjen per ti hapur vendin djalit te vet!

Lexoni mesazhet e qytetareve dixhital. sb

“Pershendetje Doktor. Po Ju nis nje info ne lidhje me zhvillimet e fundit tek AMA.

Kete jave po pergatitet kandidatura e Maklen Mishes, per tu derguar se shpejti ne Kuvend per tu emeruar kryetar i AMA. Maklen Misha ka punuar deri para pak muajsh ne Bashkine e Tiranes (ku bente fjalimet e Erion Veliaj) dhe tani punon drejtues i nje fondacioni dhe keshilltar i jashtem i Ministres se Mbrojtjes.

Piro Misha (babai i Maklenit) e la detyren si anetar i bordit te AMA para 1 muaji. Pra iken babai dhe tani vjen i biri ne krye.

Rama po kerkon kontroll te plote tek AMA, me qellim pergatitjen per sulmin e rradhes ndaj medias dhe portaleve ndaj te cilave ka pergatitur ligjin special per censure. Nderkohe mbetemi ne pritje te kthim pergjigjes nga dy institucione rehabilitimi per drogerat e forta ne Hollande per Mishen dhe do ju shkruajme serisht”

2-

“I dashur Doktor Berisha ! Çuditë nuk kanë të sosur në vendin tonë të mjerë! E keqja ska fund! Ai që njihej në lidhje të shkrimtarve si spiun i sigurimit të shtetit , Pirro Misha ,aqsa shkrimtari ynë i madh Ismail Kadare e bëri personazh tek romani Hija, duke i dhënë në liber rrolin që kishte në jetë , u bë drejtor i Bibliotekes Kombetare nga anetar i bordit te AMA! Projekte të medha financiare janë në plan! Spostimi i Bibliotekes kombetare tek garda, miliona euro, destinacioni i ri i asaj pjese te pallatit të kultures per biznes, projekti i dixhitizimit , pra kudo para, para, para! Pirro Misha benjamini sorosian, gjuetari i çdo ptojekti , miku i vjeter i Linda Rames strehues i saj tek Sorosi dikur,sot shperblehet duke u gjindur ne qender te qarkullimit te parave te taksapaguesve shqiptare! Po nesë do ishte vetem kaq gjysma e te keqes! Ka edhe më! Me bekimin e Ben Blushit,Linda Rama, Endri Fuga te cilet merren me propoganden e fshehte dhe te hapur te Edi Rames po pergatiten të çojnë një kamerier të ri në krye të Autoritetit te Medjave Audiovizive, AMA ! Kush është ky do thoni ju? Maklen Misha sugari i sugarit siç thoni ju, djali i Pirro Mishes, i cili deri dje ka punuar ne Bashkine e Tiranes. dhe aktualisht keshilltar i Ministres se Mbrojtjes! Nepotizem dhe trashegimi! Iken baba e sjell djalin ! Baba drejtor i Bibliotekes Kombetare i biri Kryetar i AMA hajde shtet hajde !Kjo vegel e re në krye të Ames shpreh natyren e ketij shteti, nepotizem, lidhje familjare, dore ne thesin e parave! Une qe ju shkruaj jam pjese e stafit të Kryeministrise dhe keto i di me siguri, me eshte neveritur vetja po tani sjam me as ai qe ik as ai qe rri! Ju jeni i vetmi ze ne kete vend qe mund te shqiptoni pa frike disa te verteta! Maklen Misha ne krye te AMA duhet per te kontrollluar mediat e portalet, per te iniciuar ligjin e ri te censures! Ju lutem mos ma nxirrni numrin se me merrni ne qafe! Me respekt !”/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Veliaj lë në harresë qindra fëmijë/ “Stop” zbarkon në kopshtin e mbyllur pas tërmetit

Publikuar

-

Nga

Tërmeti tragjik i 26 nëntorit, la pasoja të rënda edhe në Tiranë, në ndërtesa të shumta.
Përveç banesave të dëmtuara, probleme ka pasur edhe në shkolla e kopshte.

Por, kryebashkiaku i Tiranës Erion Veliaj, më shumë sesa punë për të zgjidhur problemet e qytetarëve që mbeten të pastrehë, dhe fëmijëve që mbetën pa shkolla dhe kopshte, ka intensifikuar aksionin e tij propagandistik.

Për shkollat që u dëmtuan nga tërmeti, është gjetur si zgjidhje transferimi i nxënësve në shkolla të tjera dhe mësimi me dy turne, kryebashkiaku Veliaj nuk jep asnjë zgjidhje për kopështet e dëmtuara.

CNA.al ka denoncuar një rast të tillë, bëhet fjalë për kopshtin numër 41, i cili është mbyllur që prej datës 26 nëntor, kur tërmeti goditi vendin dhe ende nuk është hapur. Kopshti ka pësuar dëmtime për shkak të tërmetit, por nga ana e Bashkisë ende nuk është ofruar asnjë zgjidhje për fëmijët që frekuentonin këtë kopsht.

Ende nuk është vendosur nëse kopshti do të shembet plotësisht apo do të rikonstruktohet, por për fakti është se kopshti ka pësuar dëmtime dhe rrezikon jetën e fëmijëve.
Ky rast është trajtuar, mbrëmjen e sotme, edhe në emisionin “Stop” ku gazetarja e këtij emisioni ka pyetur drejtoreshën e kopshtit lidhur me situatën.

Drejtoresha, e cila dukej shumë e pasigurt në përgjigjen e saj tha se objekti është në proces vlerësimi.
Ajo deklaroi se kanë marrë urdhër nga qendra për Zhvillimin e fëmijëve dhe Bashkia e Tiranës për të mos pranuar fëmijët në kopsht.

Ndërkohë edhe pse ka kaluar një muaj e gjysmë, Veliaj vijon propgandën në media, pa e vënë ujin në zjarr për rreth 200 fëmijë që frekuentonin këtë kopsht./CNA.al

LEXO TE PLOTE

Denoncim

“Stop” investigon vrasjen e Marsel Osmanit/ Gjyqtarët nëpërkëmbin nënën e 23-vjeçarit

Publikuar

-

Nga

Emisioni “Stop” në Tv Klan u ndal këtë, të enjte, në investigimin e vrasjes së të riut nga Korça, Marsel Osmani. Ngjarja e rëndë ndodhi më 29 Gusht të 2016-s pak pas mesnatës në një lokal tallavaje.

Nëna e Marselit, Adelina Trimi, tregon se u njoftua nga vëllai i saj për ngjarjen e rëndë. Ajo shprehet se në vrasjen e djalit të saj morën pjesë 4 persona: Olsi Zyberi, Llazar Dine, Angel Vilçani dhe Genci Rustemi.

Por në pranga janë vënë vetëm dy prej tyre: pronari i lokalit tallava ku ndodhi ngjarja, Olsi Zyberi dhe truproja i tij Llazar Dine. Angel Vilçani dhe Genci Rustemi janë lënë të lirë.

Adelina Trimi: Më thotë vëllai, “hajde Adelina se të vranë djalin. Ku i thashë unë. “Në spital, e ke rëndë” tha. Kur shkoj shikoj djalin lakuriq me mbathje, vetëm një fasho kishte djali në kokë, të thyer. E merr vëllai, e marrin të tërë. Djali është shumë keq thanë, ka thyerje kafke. Djali kishte hemorragji, ishte në koma. I lutem shtetit të më dalë drejtësia e djalit. Unë nuk dua asgjë nga shteti, vetëm të më dalë drejtësia e djalit.

Gazetari: Çfarë ka ndodhur me shtetin, me drejtësinë? Nuk janë në burg personat që dyshohet se mund të kenë bërë këtë vrasje.

Adelina Trimi: Dy persona janë; pronari i lokalit Olsi Zyberi dhe badigardi Llazar Dine që del në pamje me dru në dorë. Njëri është brenda, Llazar Dine, kurse Angel Vilçani e pyesin pa parë filmimet. Ai thotë që e vrau Llazja dhe unë isha si shofer. Më detyroi Llazja thotë ai. Me makinë e kanë vrarë djalin këta, katër persona. Këta e dinë si e vranë djalin. Keni pamjet filmike si e kanë ndjekur dhe si e kanë vrarë djalin. Unë dyshoj te Angel Vilçani se kam pamjet. Duke ditur që mjeku ligjor thotë që mbrapa kokës është goditur me mjet prerës të fortë, mpiksje gjaku në vesh dhe thyerje kafke 9 centimetra.

Mekanizmi, që ka përdorur prokurorja Oli Visi, për hetimin e ngjarjes, është sekuestrimi i kamerave të sigurisë vetëm nga një kënd i lokalit. Në këtë kënd nuk dallohen Vilçani dhe Genci Rustemi.

Denoncuesi: Dua t’iu bëj një pyetje zonja prokurore…!

Prokurorja Oli Visi: Jam në rrugë, nuk flas më…

Denoncuesi: Në pamjet filmike, se tani në këto pamjet filmike, të cilat janë më kryesore, nuk merren nga gjykata si edhe nga ju?!

Prokurorja Oli Visi: Dëgjo nuk e kam zyrën këtu!

Denoncuesi: I pe pamjet vetë? T’i tregova? T’i tregova me video? Më jepni një përgjigje? Mund të më jepni një përgjigje zonja prokurore?

Prokurorja Oli Visi: Tek titullarja ime! Tek ajo mund të shkosh!

Denoncuesi: Unë do të ankohem edhe më lart.

Prokurorja Oli Visi: Ik!

Denoncuesi: Do drejtohem edhe më lart. Do mbani përgjegjësi si ju dhe gjykata. OK? Për këto pamje filmike të cilat ju i keni manipuluar.

Nëna e Marsel Osmanit shprehet për kamerën e “Stop” se pas ngjarjes kërkon vetëm drejtësi nga shteti.

Adelina Trimi: Më kanë lënë çupkën jetime, e kemi 9 vjeç, vajzën. Emisioni “Stop” vini dorën në zemër se është vrasje, nuk është plagë. Është vrasje. Djalë të vetëm, atë kisha. Nuk kam asnjë tjetër. Dua vetëm drejtësinë e djalit tim të më zbardhet. Asgjë nuk dua, vetëm drejtësia. Të më rrinë jashtë kriminelët që më vranë djalin nuk durohet kjo dhimbje.

Seancat gjyqësore për vrasjen e Marsel Osmanit zgjasin prej më shumë se tre vitesh. “Stop” ka siguruar edhe audio nga njëra prej tyre, kur kryesuesi i seancës refuzon që të marrë CD-të me pamjet nga kamerat e sigurisë, ku dallohet që në këta ngjarje kanë marrë pjesë katër persona.

Mamaja e Marselit: Po unë jam edhe avokate edhe nënë. S’kisha avokat, jam vetë dua drejtësinë e djalit nga juve! Do m’i merrni pamjet filmike dhe do të shikoni, si ka rendur Angel Vilçani! Unë s’kam dhemshuri. Janë vetë i katërt. Kanë dalë e kanë vrarë djalin, e kanë hedhur në kanal…

Kryesuesi i çështjes: Dakord, se do të…

Mamaja e Marselit: Ju lutem! Nga juve dua drejtësinë zoti gjyqtar…!

Kryesuesi i çështjes: Dakord, dakord!..Dakord…!

Mamaja e Marselit: Dhimbja ime është e paparë. Unë ku do ta gjej drejtësinë?!

Avokati Nevzat Tarelli: Tani po flas unë… ti.

Kryesuesi i çështjes: Tani dëgjo! Do na leshëëë…,dëgjo!

Mamaja e Marselit: Këto CD-të do t’i pranoni nga mua?

Kryesuesi i çështjes: Jo nuk i pranojmë nga ty!

Mamaja e Marselit: Nuk i pranoni nga mua?

Kryesuesi i çështjes: Jo, nuk i pranojmë nga ty.

Mamaja e Marselit: Mirë na fal!/ Tvklan.al

LEXO TE PLOTE

Denoncim

“Fiks Fare”: Situata pas tërmetit alarmante/ Bubq, 260 familje në çadra, procedurat i lënë pa bonus qiraje

Publikuar

-

Nga

Tërmeti i 26 nëntorit ka lënë mijëra familje në qiell të hapur. Situata alarmante është në disa fshatra të Durrësit, Krujës, Kurbinit dhe Lezhës. Mungesa e shtëpive me qira, por edhe procedurat që nuk mbarojnë kurrë, i ka detyruar këto familje që dimrin ta kalojnë në çadra.

“Fiks Fare” udhëtoi në fshatin Bubq të Krujës, ku banorët ankohen se ende nuk kanë marrë bonus qiraje. Sipas tyre, procedurat burokratike vijojnë të zgjasin dhe netët e ftohta të dimrit familjet me invalidë, me të moshuar apo fëmijë të vegjël, po i kalojnë në këto çadra.

Gazetarët e “Fiks Fare” shkuan në disa nga familjet që iu janë shkatërruar shtëpitë. Një banor tregon se 14 familje kanë jetuar në një pallat të ndërtuar me punë vullnetare në Bubq. Pallati është shkatërruar, ndërsa që pas 26 nëntorit, ai bashkë me djalin jetojnë në çadër. Gruan e ka strehuar tek të afërmit e tij, pasi sapo ka bërë një operacion. Deri më sot, s’ka marrë bonus qiraje. Një banore tjetër thotë se banonte në pallatin e shkatërruar dhe tani në çadër. “S’kemi ku të shkojmë, po kalojmë netët e ftohta këtu” thotë ajo. Ndërkohë, pak metra më tutje, ka sërish çadra të vendosura para shtëpive të shkatërruara, ku jetojnë të moshuar dhe invalidë. Lumja, një prej tyre, thotë se furtuna e para ca ditëve e ka gjetur brenda çadrës. “Mendonim se na e mori furtuna çadrën. Kishim frikë se do ngelnim në qiell të hapur. Kërkoj ndihmën nga Edi Rama”, thotë ajo.

“Fiks”-i shkoi në një familje tjetër, ku në çadër qëndron edhe një person me probleme të shëndetit mendor. Edhe ai, si të gjithë në Bubq, nuk ka përfituar nga bonusi qirasë. Ndërkohë, kunata e tij është strehuar në një kontenier, i ardhur nga një shoqatë pasi ka dy fëmijë të vegjël. “Më ndihmuan këto shoqatat. Shteti s’na ka dhënë asnjë ndihmë”, thotë ajo. Pas këtyre ankesave, Fiks Fare shkoi në Njësinë Administrative Bubq. Një punonjëse tha se në të gjithë Bubqin janë rreth 260 familje të cilat jetojnë në çadër. Sipas saj, 57 familje kanë aplikuar për bonus qiraje, por deri më tani askush nuk ka marrë.

“Kanë aplikuar pak, por askush nuk ka marrë. Nuk e dimë se do jepen apo jo. Vetëm plotësojmë dokumentet dhe më pas do merret Bashkia Krujë”, thotë ajo. Fiks Fare pyeti edhe në Bashkinë Krujë, e cila tha se pas aplikimeve dhe verifikimeve paraprake nga grupet në terren, listat do të kalojnë në Këshillin Bashkiak. Sipas saj, janë miratuar disa lista për bonus qiraje për banorët e strehuar në disa hotele, por ende nuk është lëvruar asnjë fond. Për pasojë, këto familje me të moshuar, invalidë apo me fëmijë të vegjël, vijojnë të jetojnë në çadra, në temperatura që kanë shkuar disa gradë nën zero./Top Channel/

LEXO TE PLOTE