web counter
LEXO PA REKLAMA!

SHKARKO APP

App Store
Google Play

E fundit!

x

Prishen marrëdhëniet me Ramën?/ Thaçi tregon arsyet pse nuk mori pjesë në Samitin e Ohrit

9 Nëntor 2019, 20:15, Kosova & Bota CNA

Presidenti i Kosovës Hashim Thaçi ka reaguar pas takimit të parë Zaev-Vuçiç-Rama, mbrëmjen e sotme, për krijimin e mini Shengenit ballkanik.

Përmes një postimi në rrjetet sociale, teksa thekson se ?Kosova është e përkushtuar për fqinjësi të mirë dhe heqjen e pengesave për lirinë e njerëzve dhe mallrave?,  Thaçi ka treguar disa arsye të cilat pamundësuan pjesëmarrjen e tij në samit.

Kujtojmë se, përmes një bisede telefonike ditën e sotme President i Republikes së Kosovës, Hashim Thaçi, i njoftoj homologut të tij maqedonas, Zoran Zaev, se nuk do të merrte pjesë në Samitin e Ohrit.

Reagimi i Hashim Thaçit:

Si President i Republikes së Kosovës, dua të informoj qytetarët se, kam refuzuar pjesëmarrjen time në Samitin e Ohrit. Ky vendim për mospjesëmarrje bazohet në disa argumente ekzistuese.

Së pari, Kosova, qëllimshëm ishte anashkaluar nga Serbia në Samitin e Parë të kësaj iniciative të re rajonale. Së dyti, vizioni i vetëm i Kosovës mbetet anëtarësimi në BE dhe NATO. Prandaj, ne nuk duam që në asnjë rrethanë ta  zëvendësojmë perspektivën tonë euroatlantike me çfarëdo iniciative rajonale.

Dhe, së treti, kjo iniciativë rajonale është e pakuptimtë për aq kohë sa Serbia dhe Bosnja dhe Hercegovina nuk e njohin pavarësinë e Kosovës.

Kosova është e përkushtuar për fqinjësi të mirë dhe heqjen e pengesave për lirinë e njerëzve dhe mallrave.

Por, Kosova nuk mund të jetë pjesë e një Samiti të tillë në te cilin marrin pjesë shtete, të cilat ende nuk e njohin realitetin e Kosovës së pavaruar.

Ne jemi të përkushtuar që të tejkalojmë pengesat aktuale nëpërmjet dialogut dhe marrëveshjes për njohje reciproke. Vetëm atëherë kur të ndodhë një gjë e tillë, ne do të bëhemi pjesë e iniciativave të tilla rajonale si shtete të barabarta. HTH/CNA.al





Lajmet e fundit nga