web counter
LEXO PA REKLAMA!

SHKARKO APP

App Store
Google Play

Përmbys shifrat e Zaloshnjes/ Deputeti: Ja çdo të ndodhë nëse Basha e hap vërtetë PD-në

1 Tetor 2019, 17:28, Politikë CNA

 Në publikim të të dhenave të nxjerra nga një sondazh i ditëve të fundit, Eduart  Zaloshnja, konkludonte se nëse zgjedhjet do zhvilloheshin në gusht apo në shtator, PS do të merrte mazhorancën për të qeverisur e vetme me 52.9%, ndërkohë që PD do merrte 33.7% dhe LSI 5.4%. Të dhenat  Zaloshnja i publikoi në emisionin “Real Story” të mbrëmjes së të hënës.

Këto të dhena të Zaloshnjes i hedh poshtë deputeti i listës së PD-së,Lefter Maliqi, për të cilin, nëse Lulzim Basha nuk e ha këtë herë fjalën për hapjen e partisë është e sigurt që rezultati në zgjedhjet e pritëshme do të jetë turpërues për rilindjen e Ramës.

Një ndër pyetjet që CNA.al i adresoi deputetit Maliqi ishte:”Lulzim Basha ka nisur aksionin për demokratizimin dhe hapjen e PD-së, duke ftuar dhe figurat e larguara nga kjo parti. Besoni se këtë herë e ka seriozisht dhe a do ketë sukses?”

“Kam dëgjuar që PD ka marrë nismën për hapjen dhe bashkimin e partisë duke ftuar edhe kritiket si Topalli , Imami, Bode, Oketa, Selami,Topi etj. S’di nëse kjo do ndodhë vërtetë, unë vet jam skeptik por po të ndodhë kjo krijon shpresë e besim tek fitorja e sigurt e opozitës. Megjithse për mua PD,LSI,PR,PBDNJ, PDIU etj, edhe kështu siç janë e shpien opozitën në fitore të ngushtë për shkak të keqqeverisjes së rilindjes, pakënaqsisë së bazës së PS, luftës brenda llojit në PS si dhe tkurrjes së elektoratit socialist për shkak tëkorrupsionit, abuzimeve, privatizimeve, trafiqeve si dhe anashkalimit e mospërfilljes së antarëve të thjeshtë të PS, ku dhe në qeveri mbi gjysma e ministrave skanë lidhje me PS,” ka analizuar deputeti Maliqi ekskluzivisht për CNA.al.





Lajmet e fundit nga