web counter
LEXO PA REKLAMA!

SHKARKO APP

App Store
Google Play

E fundit!

x

Situata nga përmbytjet/ Ministria e Mbrojtjes bën bilancin

24 Shtator 2019, 16:22, Kronika CNA

Ministria e Mbrojtjes ka bërë bilancin pas përmbytjeve që ndodhën mbrëmjen e djeshme në disa qytete të vendit.

Në një deklaratë për mediat, ministrja Olta Xhacka u shpreh se gjithsej janë 105 banesa që janë përmbytur në Tiranë.

Por probleme ka pasur jo vetëm në Tiranë, por edhe në Kamzë, sikundër në Fushë Krujë, por edhe në Kurbin, Lezhë e Shkodër.

Aktualisht janë 10 familje në Larushë që kanë probleme si dhe 8 familje në Bubq sipasojë e daljes nga shtrati të lumit të Ishmit.

?Testuam Mbrojtjen Civile. Përmbytjet kanë sjellë fluks të madh uji. Institucionet kanë koordinuar punët për të përmirësuar situatën. OSHEE ka punuar gjatë gjithë natës, për të rregulluar disa shtylla. Banorët që janë prekur, institucionet iu janë gjendur pranë. Në qarkun e Tiranës, 105 banesa janë përmbytur. Edhe bluzat e bardha kanë bërë punë të mirë.

Situata pritet të normalizohet. Probleme kishte në Kamzë. Edhe në Fushë Krujë kemi pasur probleme, për shkak se në këtë zonë, disa zona administrative ka vërshime më të larta.

Aktualisht ka 10 familje në Larushë dhe 8 familje në Bubq ka probleme. Lumi Ishëm ka dalë nga shtrati dhe ka rreziuar banesat e ndërtuara pranë lumit. Në Lezhë, situata është normalizuar pasi kishte përmbytje në lagjen besëlidhje. Probleme ka pasur edhe në Laç. Në qarkun Shkodër, pavarësisht reshjeve të dendura, në 5 bashkitë nuk ka probleme. Problemet janë të kufizuara. Situata është thuajse e tejkaluar, por ne do jemi pranë gjithnjë të qytetarëve?, deklaroi Xhaçka./CNA.al





Lajmet e fundit nga