E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Deklarata bombë e Spartak Ngjelës/ Po i afrohet ora e llogaridhënies, ja kur e jep dorëheqjen Meta

22 Shtator 2019, 13:32, Politikë CNA

?Metës po i afrohet ora e llogaridhënies para drejtësisë së re për pasurinë e tij marramendëse?. Kështu është shprehur avokati Spartak Ngjela në një intervistë për gazetën ?SOT?.

Sipas Ngjelës Meta në vitet e tij të para në politikë kishte vetëm dy palë këpucë dhe dy xhaketa, ndërsa sot është i kamur. Por meqenëse po i afrohet ora e llogaridhënies i bën thirrje popullit të ngrihet sa më parë kundër qeverisë së PPP si tentativa për të shpëtuar pasurinë.

?Ai po i bën thirrje popullit të ngrihet. Po pse do të ngrihet populli? Që të shpëtojë pronat e Ilir Metës, i cili kur hyri në politikë ishte një njeri i thjeshtë i popullit?

Ai u fut me një palë këpucë, me 3 palë çorape dhe me 2 xhaketa. Ky ka qenë një shtet i pakontrolluar. Një shtet i pakontrolluar dhe një bankë e pakontrolluar vidhen. Ky shtet është vjedhur dhe këta janë abuzues të gjithë. Të gjithë kryeministrat që kanë qenë në Shqipëri janë të implikuar. Nuk mund të ketë korrupsion shtetëror po nuk do kryeministri.

Por gjithë problemi është se viktimat në fillim do të jenë ministrat. Sepse ata e kanë bërë gjithë zallamahinë me urdhër të kryeministrave.

Kjo do të jetë e ardhmja e reformës në drejtësi, e cila fillon që këtë muaj. Të gjitha të tjerat pastaj janë dëshpërim. Mos më pyesni mua për njeriun e dëshpëruar. Meta është i dëshpëruar, por nuk i ka njeri në faj?, tha Spartak Ngjela.

Ai e akuzoi Metën se ka vjedhur pasuritë shtetërore. ?Ka futur duart tek financa shtetërore. Do ta paguajë. Do të përplaset me gjykatat dhe le të marrë pafajësinë nëse e provon dot?, theksoi avokati.

Duke folur më tej, Ngjela zbuloi edhe disa të fshehta sa i takon procedurës së nisur nga mazhoranca për shkarkimin e Ilir Metës.

Sipas Ngjelës, Komisioni i Venecias do të rrëzojë pretendimet e presidentit, dhe në këtë moment Meta do të japë dorëheqjen.

Sipas tij, ai do ta ndërmarrë një hap të tillë për të shpëtuar nga akuza e shkeljes së Kushtetutës dhe për të mos u përballur me Gjykatën Kushtetuese.

?Presidenti është nën akuzë. Njeriu nën akuzë humbet ekuilibrin. Nuk e shtyu njeri të shkelte Kushtetutën. Ai e shkeli Kushtetutën me shpresën se duke e bërë këtë akt do t?iu jepte një dekret të pavlefshëm kundërshtarëve, pra Partisë Demokratike në protestë.

Ai kërkonte ta ngrinte më tepër tempin e protestës. Protestën e PD, të Saliut dhe të Bashës, e goditi politika amerikane në mënyrë drastike. Ky është fakt. Dhe nuk pipëtiu gjë dhe as nuk do të pipëtijë gjë se janë njerëz me rekorde ndërkombëtare. Presidenti meqë e shikon që Basha nuk ka fuqi, mendon se ka ky fuqi për ta shpëtuar veten nga akuza.

Por nuk shpëton dot. Çështja është se po pritet mendimi i Komisionit të Venecias. Komisioni i Venecias do të thotë që është akt administrativ ose akt juridik absolutisht i pavlefshëm. Për këtë jam i sigurt. Meta pastaj do të japë dorëheqjen.

Në momentin që do të japë dorëheqjen, nuk është më president, bie çështja sepse nuk shkon dot më në Kuvend për të shkarkuar presidentin. Po nuk shkoi dot në Kuvend, nuk shkon dot as në Gjykatën Kushtetuese.

Ky tërhiqet dhe bie akuza që ta gjykojë Gjykata Kushtetuese, por ama nuk është më president pas dorëheqjes dhe kjo ka shumë rëndësi. Pastaj do të fillojë kalvari i reformës në drejtësi që të tregojë ku i ka gjetur pronat?, deklaroi Spartak Ngjela./CNA.al