LSI me qëndrime kontradiktore/ Kryemadhi pendohet për "zhdukjen" nga partia të Mamanit

1 Shtator 2019, 15:59, Politikë CNA

Arrestimi i Armand Mamanit ish-drejtorit të Agjencisë së Mirëqenies dhe Kujdesit Social në Gjirokastër, ka zbërthyer më së miri paniku në të cilën ndodhen drejtuesit e LSI.

Fillimisht në mënyrë zyrtare, LSI hodhi poshtë Armand Mamanin, duke thënë se nuk ka qenë asnjëherë drejtues i LSI në Gjirokastër.

Por, më vonë LSI ka ndryshuar qëndrim, duke pranuar se Mamani ka qenë në post udhëheqës në LSI-në e Gjirokastrës, por më herët dhe jo aktualisht.

“LSI sqaron median dhe opinionin publik se Armand Mamani nuk ka qenë asnjëherë kryetar i LSI në Gjirokastër”, thuhet në reagimin e parë.

“LSI sqaron median dhe opinionin publik se Armand Mamani nuk është aktualisht kryetar i LSI në Gjirokastër”, thuhet në reagimin e dytë.

Për më tepër po sjellim dy reagimet e LSI -së janë kontradiktore me njëra tjetrën.

Reagimi i parë nga LSI

-LSI sqaron median dhe opinionin publik se Armand Mamani nuk ka qenë asnjëherë kryetar i LSI në Gjirokastër.

– LSI po ashtu përgënjeshtron prerë lajmet se arrestimi i tij është bërë në ambientet e kampit të Jalës si një fake neës bajat dhe i sajuar. Aktiviteti i përmbyllës i kampingut të Jalës u mbajt mbrëmjen e 30 gushtit ku foli kryetarja e LSI, Monika Kryemadhi fjalë e cila u pasqyrua dhe live nga mediat. Largimi i të rinjve nga kampi ka nisur më 31 gusht nga ora 09:00.

– LSI është hapur në çdo moment për të dhënë të gjithë informacionin e duhur që lidhet më të për mediat dhe këdo tjetër me qëllim për të shmangur cdo abuzim dhe shtrëmbërim të qëllimshëm të informacionit. Përhapja e këtyre lajmeve është thjesht nje tentativë e dështuar e Rilindjes për të devijuar vëmendjen e opinionit publik me lajme të rreme nga realiteti i demaskimit të kriminelëve klientë të saj, që kanë damkosur Rilindjen si një frymëzuese e përdoruese e trafikantëve, të korruptuarve dhe të inkriminuarve që po i njeh tashmë gjithë Shqipëria dhe falë medias ndërkombëtare e gjithë bota mbarë.

Reagimi i dytë nga LSI

-LSI sqaron median dhe opinionin publik se Armand Mamani nuk është aktualisht kryetar i LSI në Gjirokastër.

– LSI po ashtu përgënjeshtron prerë lajmet se arrestimi i tij është bërë në ambientet e kampit të Jalës si një fake neës bajat dhe i sajuar.

Aktiviteti i përmbyllës i kampingut të Jalës u mbajt mbrëmjen e 30 gushtit ku foli kryetarja e LSI, Monika Kryemadhi fjalë e cila u pasqyrua dhe live nga mediat. Largimi i të rinjve nga kampi ka nisur më 31 gusht nga ora 09:00.