web counter
LEXO PA REKLAMA!

SHKARKO APP

App Store
Google Play

Tavo kundër Kryemadhit/ Ish deputeti i LSI merr në mbrojtje Armand Mamanin

1 Shtator 2019, 14:22, Politikë CNA

Ish-deputeti i LSI, Vangjel Tavo ka reaguar për arrestimin e ish-drejtorit të Agjencisë së Mirëqenies dhe Kujdesit Social në Gjirokastër, Armand Mamani.

Tavo ndryshe nga Monika Kryemadhi i ka dalë në mbrojtje Mamanit, i cili është arrestuar  arrestuar për ?shpërdorim detyre?.

Sipas Tavos e gjithë historia për Mamanin është e sajuar nga socialistët dhe konkretisht nga kryetarii Bashkisë Gjirokastër, Flamur Golemi.

“I kompleksuar me rekordin e votave më të ulëta, ky gaztor nisi shkarkimet politike. Armand Mamani, Drejtor i Agjencisë së Mirëqënies dhe Kujdesit Social u përball ditën e dytë të punës së kryetarit gaztor me një audit të befasishëm kontrolli, i cili nuk gjeti asnjë shkelje. Ndërkohë u sajua një histori e turpshme për lidhje të paligjshme energjie elektrike”, shkruan Tavo në rrjetet sociale.

Më tej ish deputeti i LSI, u bën thirrje organeve të drejtësisë që mos të përdoren politikisht por të mbrojnë të vërtetën.

Postimi i plotë:

Palo kryetari i ri i Bashkisë Gjirokastër, i cili në votimet më moniste të 30 qershorit, ku kandidoi përballê vetes, arriti rekordin për numrin më të vogël të votave nga partia që përfaqëson dhe ata 1500 votues që i detyroi me forcë ja quajtën votën e pavlefshme pasi nuk mund të bëheshin zare të këtij gaztori.

I kompleksuar me rekordin e votave më të ulëta, ky gaztor nisi shkarkimet politike. Armand Mamani, Drejtor i Agjencisë së Mirëqënies dhe Kujdesit Social u përball ditën e dytë të punës së kryetarit gaztor me një audit të befasishëm kontrolli, i cili nuk gjeti asnjë shkelje. Ndërkohë u sajua një histori e turpshme për lidhje të paligjshme energjie elektrike.

U bëj apel organeve të drejtësisë të mos përdoren politikisht dhe të mbrojnë të vërtetën duke mos u bërë pjesë e arrogancës dhe hakmarrjeve të kryetarit gaztor të paligjshëm, të dalë nga zgjedhje anti-kushtetuese, dhe me rekord të paparë dështimi votash./CNA.al





Lajmet e fundit nga