web counter
LEXO PA REKLAMA!

SHKARKO APP

App Store
Google Play

"Ah të kisha fuqinë e Mihalit"/ Nuk përmbahet më Artan Fuga

31 Gusht 2019, 18:02, Politikë CNA

Profesori dhe Akademiku Artan Fuga, ka denoncuar dëmtimin e tabelës, ku prezantohet “Manastiri Fjetja e Hyjlindëses” në Zvërnec.

Sipas Fugës, Manastiri që do të duhej të ishte krenari e kulturës kombëtare.

“Mirë mo mirë po Ministria e Kulturës turp nuk ka, që ka emrin e vet në këto tabela!  Po pse mo nga Lufta e Dytë Botërore sapo kemi dalë ne”, shkruan i indinjuar profesor Fuga.

Zemërimi i profesorit shkon dhe më tej, saqë heq paralele me Mihalin e Himarës, që u bë i njohur nga hedhja mbi makinën e turistëve spanjoll”.

“Ah të kisha fuqinë e Mihalit do t’i hidhesha mbi makinë atij nëpunësi që ka përgjegjësinë mbi këtë, do t’i çaja xhamin me stilokalemin e ri që kam blerë për këtë shtator, do t’i fusja dorën brenda dhe pasi t’i kapja timonin do t’a çoja zvarrë mbi rrota deri te kjo tabelë dhe aty do ta kërcënoja që ai vetë ta rregullonte tabelën. Le të më dënonin”, shkruan më tej Fuga.

Postimi i plotë:

Bashkëpuntori im më dërgon foton me këtë tabelë prezantuese të manastirit Fjetja e Hyjlindëses në Zvërnec!

Manastiri që do të duhej të ishte krenari e kulturës kombëtare!

A e meriton këtë tabelë!

Mirë mo mirë po Ministria e Kulturës turp nuk ka që ka emrin e vet në këto tabela!

Po pse mo nga Lufta e Dytë Botërore sapo kemi dalë ne!!!

Ah të kisha fuqinë e Mihalit do t’i hidhesha mbi makinë atij nëpunësi që ka përgjegjësinë mbi këtë, do t’i çaja xhamin me stilokalemin e ri që kam blerë për këtë shtator, do t’i fusja dorën brenda dhe pasi t’i kapja timonin do t’a coja zvarrë mbi rrota deri te kjo tabelë dhe aty do ta kërcënoja që ai vetë ta rregullonte tabelën. Le të më dënonin/CNA.al





Lajmet e fundit nga