E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

"Të fala Etildës"/ Rama, del nga kontrolli, sherr me qytetarët

25 Gusht 2019, 09:23, Politikë CNA

Kryeministri i Edi Rama është përfshirë me qytetarët, ndërsa ka përgënjeshtruar në rrjetet sociale, informacionin e dalë nga mediat greke, se ka qenë me pushime në Greqi.

“Ç?e ka gjetur këtë milet me lajmet në internet. Tamam hedh një budalla një gur në lumë dhe 100 të mençur s?e nxjerrin dot”.

Por, kaq është dashur dhe qytetarët i janë vërsulur duke i treguar zhvatjet e taksave të qytetarëve dhe shpenzimet për “luksin e Ministres së Drejtësisë.

Ushqimin popullit në fb ia jep njehërë ti në mëngjes (fap stafi postimi), në drekë (2-3 postime prap stafi) në darkë prap e njëjta dhe këta që postojnë me kaq finesë e spotanitet paguhen nga ne, plot 30 veta”, i ka shkruar një qytetar.

Kundërpërgjigjja e Ramës, ka qenë tejet ironike, dhe aspak modeste.

“Po ku ta kuptosh ti o të marrsha të keqen, që paske zbuluar 30 vetë që bëjnë postimet e mia këtu. Se kupton do ti, s’ke haber, çdo më thënë të jesh kryeministër dhe të jesh ky që jam unë”, është përgjigjur Rama.

Komentet më të shumta kanë qenë në lidhje me Ministren e Drejtësisë Etilda Gjonaj, të cilën duket se Rama e ka shumë për zemër dhe nuk lejon ta prekin as në rrjete sociale.

Ai pretendon se faturat e shpenzimeve të publikuara bnë media kanë qenë për të gjithë delegacionin. Por deri më tani nuk ka pasur ndonjë sqarim nga Gjonaj, se sa vetë ishte delegacioni dhe përse ushëtimet dhe shpenzimet e saj nuk bëhen publike në faqen zyrtare të Ministrisë së Drejtësisë. Ajo quhet transparencë dhe qytetarët e bëjnë vetë dallimin.

“Të fala Etildës ajo të paktën si bën lekët staf propagandistik…Jemi në rrugën e duhur për të arritur në nivelet e Koresë së Veriut”, shkruajnë komentuesit.

“Ato shpenzime janë të tërë delegacionit, ja kështu është ku jeton në kazan, ka protokolle dynjaja…..Dhe më e bukura është se i?a jep vetë Ministria një medie që e kërkon për transparencë dhe urdhëro, bëhet një gjullurdi a thua se u zbulua ndonjë abuzim”, është kundërpërgjigjur Rama.

Kryeministri ka vijuar më tej replikat me qytetarët, të cilët i kanë tërhequr vëmendjen se i ka hyrë vetja në qejf./CNA.al