web counter
LEXO PA REKLAMA!

SHKARKO APP

App Store
Google Play

E fundit!

x

Policia blindon Bashkinë/ Çfarë po ndodh në Devoll

29 Korrik 2019, 06:18, Politikë CNA

Bashkia e Devollit është e para bashki që drejtohej nga PD, që dorëzon pushtetin lokal tek kandidati socialist, i cili doli fitues në zgjedhjet e 30 qershorit.

Por, duket se kalimi i pushtetit tek të majtët duket se do të shoqërohet me tensione të forta.

Ndërkohë, që ditën e premte, kryebashkiaku i ri, Eduard Duro bëri betimin në ambientet e prefektuarës, ndërsa në Bashki shkoi pasdite i shoqëruar nga forca policie, sot Duro ka shkuar në zyrë që në oren 06:30 të mëngjesit.

Ndërkohë që para bashkisë kanë filluar që të grumbullohen edhe mbështetësit e opozitës prej orës 07:30.

Në ambientet e bashkisë ndodhen rreth 30 forca policie. Efektivët janë të pranishëm në ambientet e jashtë institucionit për të shmangur incidentet.

Nga ana tjetër ish-kryetari, Bledion Nallbati, i zgjedhur nga radhët e PD-së, vijon të deklarojë se nuk njeh kryetarin e zgjedhur dhe se për të sot është një ditë normale pune.

?Bashkia u dhunua në prezencë të deputetëve dhe prefektit të Korçës. Brenda bashkisë ka Forca Speciale. Unë jam kryetari i ligjshëm i bashkisë, i zgjedhur nga 59% e qytetarëve. Do jem këtu çdo ditë, 24orë në ditë.

Do të vazhdoj t?iu shërbej qytetarëve. Bashkia është pushtuar. Nuk di ç?ka ndodhur me dokumentacionin që ndodhet në zyrë. Administrata nuk mund të hyjë në bashki dhe të nisë punën nën terrorin e policisë?, ka thënë Nallbati.





Lajmet e fundit nga