web counter
LEXO PA REKLAMA!

SHKARKO APP

App Store
Google Play

Dokumente-Fletë votimi të falasifikuara në Vaun e Dejës/ Anëtari i KQZ përgënjeshtron PD

14 Korrik 2019, 08:13, Aktualitet CNA

Anëtari i Komisionit Qendror të Zgjedhjeve, Bledar Skënderi ka reguar pas akuzave të sekretarit të Përgjithshëm të Partisë Demokratike Gazment Bardhi.

Ky i fundit një ditë më parë, me anë të një konference për mediat tha,  se me urdhër të kryeministrit Edi Rama, votimi në Bashkinë e Vaut të Dejës është bërë në fleta të falsifikuara pasi fletët e votimit nuk u zëvendësuan.

Por, anëtari i KQZ -së Bledar Skënderi ka publikuar ditën e sotme dokumente, që sipas tij hedhin poshtë akuzat e Bardhit.

“Pas djegies së KZAZ në dt 27.06.2019 është kontaktuar direkt me kompaninë sllovene. Fletët e votimit janë prodhuar paraditen e dt.28.06.2019. Transporti është kryer në dt 29.06.2019.Fletët e votimit kanë kaluar pikën e kalimit kufitar rreth orës 1-1.30 të mëngjesit të dt 30 qershor. Punonjësit tanë kanë pritur dhe dorëzuar fletët në KZAZ”, shkruan Skënderi në rrjetet sociale.

Postimi i plotë:

Në përgjigje të nje akuze publike të Z.Gazmend Bardhi.
Më poshtë po ju paraqes disa dokumenta që vërtetojnë se fletët e votimit për Bashkinë Vau i Dejës janë prodhuar në Slloveni.
Pas djegies së KZAZ në dt 27.06.2019 është kontaktuar direkt me kompaninë sllovene.
Fletët e votimit janë prodhuar paraditen e dt.28.06.2019.Dok 1 dhe 2 ne foto
Transporti është kryer ne dt 29.06.2019(foto 3)
Fletët e votimit kanë kaluar pikën e kalimit kufitar rreth orës 1-1.30 të mëngjesit të dt 30 qershor
Punonjësit tanë kanë pritur dhe dorëzuar fletët në KZAZ
Shpërndarja e gjithë bazës materiale për KQV ka mbaruar para orës 6.
Të gjitha Qendrat e votimit kanë qenë të hapura në orën 7.00 sipas dispozitave të Kodit Zgjedhor!
Nesër do publikojm? dhe vërtetimin nga sistemi TIMS se kur ka kaluar makina në PKK Hani i Hotit/CNA.al





Lajmet e fundit nga