web counter
LEXO PA REKLAMA!

SHKARKO APP

App Store
Google Play

E fundit!

x

Misioni i OSBE-ODIHR me kritika për zgjedhjet/ Glover i përgjigjet opozitës

1 Korrik 2019, 13:13, Aktualitet CNA

Ambasadorja Audrey Glover, Drejtuese e Misionit të ODIHR-it, në një konferencë për media, ka prezantuar gjetjet mbi procesin zgjedhor të 30 Qershorit.

Që në fillim Glover i ka kthyer përgjigje Opozitës joparlamentare e cila ka akuzuar ndërkombëtarët se kanë përkrahur qeverinë në këto zgjedhje.

“Ne jemi këtu pa asnjë ide dhe axhendë të fshehtë jemi të paanshëm dhe lëmë faktet të flasin për veten. Neve nuk na intereson kush i fiton zgjedhjet, ne i vlerësojmë ato në bazë të përputhshmërisë së tyre”, ka thënë Glover.

Sipas saj, zgjedhjet lokale të 30 qershorit u mbajtën pa marrë parasysh interesat e lektoratit.

“Opozita vendosi të mos marrë pjesë, ndërsa qeveria qe vendosur për ti mbajtur pa opozitën. Në këtë klimë të një ngërçi politik zgjedhësit nuk patën ndonjë mundësi reale për të zgjedhur mes opsioneve politike. Në 31 nga 61 bashki kandidatët garuan pa kundërshtar. Pati pretendime të besueshme nga qytetarët se ishin në presion nga të dyja palët. Përplasjet politike çuan në pasiguri juridike dhe shumë vendime të administratës zgjedhore u morën duke pasur si objektiv garantimin e këtyre zgjedhjeve. Pozitiv ishte se votimi u zhvillua në mënyrë të qetë dhe paqësore”, ka thënë më tej Glover./CNA.al





Lajmet e fundit nga