web counter
LEXO PA REKLAMA!

SHKARKO APP

App Store
Google Play

E fundit!

x

PD dënon dhunën ndaj protestuesve/ Alibeaj: Kemi prova filmike kundër Sandër Lleshajt

13 Maj 2019, 12:40, Aktualitet CNA

Ish-deputeti i Partisë Demokratike, Enkelejd Alibeaj ka reaguar sot në lidhje me dhunën që sipas tyre, uniformat blu kanë ushtruar ndaj protestuesve në protestën e 11 majit.

Në një deklaratë për mediat, ish-deputeti Alibeaj hodhi akuza të forta ndaj ministrit të Brendshëm, Sandër Lleshaj dhe kryeministrit Rama.

?Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës.  Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.?-tha Alibeaj.

Gjithashtu ish-deputeti demokrat ftoi sërish qytetarët ti bashkohen marshimit të sotëm të opozitës.

?Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

Ne jemi sot ne krah të popullit për t?i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.?-u shpreh Alibeaj./ CNA.al





Lajmet e fundit nga