web counter
LEXO PA REKLAMA!

SHKARKO APP

App Store
Google Play

Në kërkim nga drejtësia belge/ "Adriatiku" prangos "skifterin" laçjan

28 Prill 2019, 10:25, Aktualitet CNA

Operacioni ?Adriatiku? i zhvilluar ditën e sotme në Kurbin, vuri në pranga 27- vjecarin E.K, për llogari të shtetit belg.

Gjykata kishte vendosur masën arrest me burg për 27- vjeçarin, nën akuzën ?vjedhje më shumë se një herë?dhe ?Grup i strukturuar kriminal?.

Policia e shtetit bëri njoftimin për aritjen me sukses të operacionin ndërkombëtar të koduar ?pikaso”.

Njoftimi i policisë:
Kurbin Finalizohet operacioni i koduar “Adriatiku”.
Operacion i zhvilluar nga Komisariati i Policisë Kurbin në bashkëpunim me Task Forcën “Anti Skifter” pranë Policisë së Shtetit Kapet dhe ndalohet një tjetër shtetas i kërkuar për llogari të drejtësisë belge në kuadër të operacionit të përbashkët ndërkombëtar të koduar “Pikaso”, për goditjen e një grupi kriminal në fushën e vjedhjeve të banesave dhe të pronave në Belgjikë e në qytetet e tjera belge, ku si rezultat u arrestuan 8 shtetas shqiptarë, 3 prej tyre në Shqipëri dhe 5 në Belgjikë.
Në vijim të këtij operacioni, Shërbimet e Komisariatit të Policisë Kurbin në bashkëpunim me Task Forcën “Anti Skifter” pranë Policisë së Shtetit, organizuan operacionin e koduar “Adriatiku”, për kapjen e një pjestari tjetër të organizatës kriminale i shpallur në kërkim nga drejtësia belge.
Në bazë te informacioneve të marra në rruge operative dhe pas një punë të mirë organizuar, u bë i mundur lokalizimi dhe kapja e shtetasit E.K., 27 vjeç, banues në Kurbin, pasi Gjykata e Krimeve të Rënda Tiranë, me vendim të datës 25.04.2019 ka caktuar masën e sigurisë “Arrest me burg”, për veprat penale në ngarkim të tij “Vjedhje më shumë së njëherë”, “Grup i strukturuar kriminal” dhe “Kryerja e veprave kriminale nga grup i strukturuar kriminal./CNA.al





Lajmet e fundit nga