web counter
LEXO PA REKLAMA!

SHKARKO APP

App Store
Google Play

Pas akuzave për kolegët se blejnë klikime, regon përsëri Eni Koçi:"Artisti jeton për respekt dhe audiencë reale"

26 Prill 2019, 08:53, Aktualitet CNA

Ditën e djeshme këngëtarja Eni Koçi reagoi lidhur me faktin se Madonna dhe Maluma me këngën e tyre të fundit morën 3 milion klikime në You Tube brenda 24 orëve.

Eni thumboi keq kolegët e saj përmes një postimi në Insta Story ku shkruante: ?3 milion për 24 orë. Madonna dhe Maluma, po çfarë janë Maluma dhe Madonna përpara 1-shave të Shqipërisë? Këtej nga ne kapen për një orë.?

Pas kësaj, ka reaguar edhe më ashpër motra e Enit, Greta Koçi, edhe ajo, përmes një postimi në Insta Story: ?Shikojeni se ç?bëhet. Dy nga emrat më me influencë në botë kapin 3 milion klikime për 1 ditë. Në Shqipëri 3 milion i kapin për 1 orë. Duhet t?i mësojmë këtë Madonna-n dhe Maluma-n se si blihen klikimet fallco se po më vjen gjynah shumë!?

Por me anë të një postimi tjetër në Instastory, Eni ka sqaruar se statusi i saj nuk kishte të bënte me asnjë rast konkret, pavarësisht se ky fenomen i blerjes së klikimeve është shumë i përhapur.

“Të dashur miq disa gazetarëve u mjafton një reagim i imi për blerjen e klikimeve për të shpikur teori që askush nuk i merr vesh. Unë kam thënë një të vërtetë e cila tanimë dihet edhe nga një fëmijë. Ka pafund raste të blerjes që konkurrencën e drejtë në muzikë e kanë kthyer në banalitet. Artisti jeton për respekt dhe audiencë reale. Si mund t’i thuash vetes artist kur blen audiencën? Ky është shqetësimi im.

Ka shumë artistët të mirë që i meritojnë milionat e botës, por ne kaq popull jemi. Pse nuk është gjë e çuditshme kjo? Maluma dhe Madonna që janë emra të mëdhenj të muzikës botërore arrijnë 3 milion për një ditë ndërsa shqiptarët kapin 1 milion në ditë, në mos më shumë.

Unë nuk kam përmendur asnjë rast konkret, por kam thënë një fenomen që shumë artistë të respektuar i ka demotivuar ose e kanë lënë këtë punë. Po, secili që ka blerë le të hidhërohet nga postimi im, ndërsa ata që i kanë reale mos të shqetësohen sepse e dinë të vërtetën dhe audiencën reale që nuk ua tjetërson askush”, shkruan Eni.





Lajmet e fundit nga