Shënim/ SHBA lë Lulin me “gisht në gojë”

9 Prill 2019, 12:25, Aktualitet CNA

Që prej ditës së djeshme, zv.ndihmës Sekretari Amerikan i Shtetit, Mathew Palmer ndodhet për një vizitë në Tiranë.

Ditën e djeshme, zyrtari i lartë amerikan ka zhvilluar një takim me kryeministrin Rama, për të cilin ky i fundit tha se kishte qënë një takim mjaft i frytshëm dhe dukej mjaft entuziast.

Por, sot zyrtari i DASH ka zhvilluar një takim me gazetarët, ku ka folur gjërë e gjatë në lidhje me situatën politike në vend, ku Palmer, ka lënë me ?gisht në gojë?, kryetarin e Partisë Demokratike, Lulzim Basha, duke theksuar se qeveria është legjitime dhe se PD-ja duhet të hyjë në zgjedhje.

Pra, ç?ka ka bërë që të vërtetohet gjithçka që është shkruar dhe raportuar deri tani në media, se Basha bëri një veprim të nxituar.

Sekretari amerikan e ka thënë copë, se Shqipëria ka një qeveri legjitime dhe opozita duhet të hyjë në zgjedhje. Kjo do të thotë se përtej kritikave të ashpra që ka pasur për djegien e mandateve, SHBA-ja ka lënë me “gisht në gojë” zyrtarisht kryetarin e Partisë Demokratike.

Ajo ç’ka thoshte Lulzim Basha se po luftonte për të vendosur demokracinë dhe drejtësinë, sot ju tha troç nga përfaqësuesi i vendit më demokratik në botë, simboli i saj SHBA-ja, se ti ke gabuar, se duhet të bësh një hap pas, por gjithçka pritet ta shohim në ditët në vijim.

Megjithëse Luli ka ngelur me ?gisht në gojë?, pritet që ai të shkojë më tej me hapa ekstrem, duke bojkotuar zgjedhjet dhe duke luftuar fort për të detyruar faktorin ndërkombëtar që të kthejë kokën tek ai.

Por, me sa duket këtë radhë historia e çadrës është përfundimisht e mbyllur. Askush nuk e kthen më kokën nga Luli. Atij i kanë lënë ?gishtin ta mbajnë në gojë?, dhe vetëm kaq. Duke e trajtuar si një politikan të papjekur, si një fëmijë që nuk i duhet dhe nuk i vlen askujt në skenën politike shqiptare.

Me hapat dhe mënyrën e tij të sjelljes, me paaftësinë epike dhe për më tepër akoma, gënjeshtrat dhe mungesa e një partneriteti të vërtetë me ndërkombëtarët. Duket se Lulzim Basha është tashmë një kartë e djegur për amerikanët. Megjithëse edhe kryeministri ynë duket se është në të njëjtin hall, por pritet të shohim sesi do rrjedhin ngjarjet edhe për të.

Pasi jo vetëm Luli është me ?gisht në gojë?, por edhe kryeministri ynë, i cili ka marrë mbështetjen që duket se i vjen nga fakti që ka përballë një opozitë dhe alternativë të pabesueshme. Një individ të dobët dhe të pavlerë, që nuk i duhet tashmë askujt./ CNA.al

Zyrtari i lartë amerikan apel politikës/ Qeveria legjitime, opozita të futet në zgjedhje

Lobimi kundër Kavalec/ Palmer “rrëzon” Bashën

Palmer sulmon Bashën/ Djegia e mandateve nuk është zgjidhje