E fundit!

08:07 Aktualitet

Rama: Ja kur e pranoj dorëheqjen

Kryeministri Edi Rama e ka nisur mëngjesin e kësaj të prem...

Video-Sot Dita Botërore e Autizmit/ Çfarë duhet të dini

2 Prill 2019, 11:50, Aktualitet CNA

Sot është Dita Botërore për Ndërgjegjësimin për Autizimin.

I identifikuar në vitin 1943, autizimi është një çrregullim ende jo shumë i njohur, ndaj specialistët thonë se trajtimi i tij duhet të kthehet në prioritet të politikave shëndetësore dhe sociale bashkë me më tepër vëmendje ndaj fëmijëve që preken nga kjo sëmundje.

Mjekët pohojnë se autizmi mund të identifikohet që në muajt e parë të jetës dhe mund të kuptohen nga një specialist kur fëmija është në muajin e pestë, ndërsa shenjat me të dukshme variojnë nga 18 deri në 36 muajsh.

Karakteristikë e kësaj sindrome është se fëmija mund të zhvillohet pa shfaqur shenja shumë të dukshme të çrregullimit deri në moshën 16-18 muajsh dhe pas kësaj moshe, nëna mund të identifikojë probleme në zhvillimin e tij.

Fëmijët autikë kanë probleme të komunikimit, mbyllen në vetvete, nuk krijojnë lidhje emocionale, nuk shoqërohen me moshatarët, fiksohen pas një sendi apo objekti, etj. Çrregullimet e gjuhës dhe komunikimit, simptomat më karakteristike te fëmijët autikë, evidentohen kur fëmija nis të flasë, prandaj dhe prania e tyre përbën një nga kriteret diagnostikuese. E folura herë mungon, herë është e vonuar, ose dhe atipike.

Në 2007, Asambleja e Përgjithshme e Kombeve të Bashkuara deklaroi 2 Prillin si Ditën Botërore te Ndërgjegjësimit mbi Autizmin, me qëllimin e tërheqjes te vëmendjes botërore drejt autizmit, një çrregullim depërtues që prek dhjetëra milionë njerëz.

Dita Botërore e Ndërgjegjësimit mbi Autizmin hedh dritë mbi autizmin si një shqetësim shëndetësor global në rritje. Aktivitetet e 2 Prillit ndihmojnë në rritjen dhe zhvillimin e njohurive botërore për krizën e autizmit dhe për të dhënë e shpërndarë informacion mbi rëndësinë e diagnostikimit të hershëm dhe trajtimit të hershëm. Gjithashtu, në këtë dite festohen talenti dhe aftësitë e veçanta te njerëzve me autizëm dhe thekson aktivitetet e komuniteteve përreth botës ku individët me autizëm dhe familjet e tyre mikëpriten ngrohtë.

Shifra alarmante paraqiten nga viti në vit për sa i përket personave me çrregullime të spektrit autik në vendin tonë, ku regjistrohet një rritje prej 30-40%. Sipas njw raporti tw bwrw publik rreth njw vit mw parw, autizmi prek 1 në 68 fëmijë të lindur në Shqipëri.

Më poshtë po sjellim një video, e publikuar nga psikologia Denata Toce, ku shprehet një mesazh sensibilizues.