web counter
LEXO PA REKLAMA!

SHKARKO APP

App Store
Google Play

Basha lidership i dështuar/ Maliqi: Në Parlament do jem zëri i fortë i demokratëve

14 Mars 2019, 19:23, Aktualitet CNA

I qenë prezent në emisionin “I ftuari”, në TV “A2 CNN”, deputeti i porsamandatuar, nga lista e PD-së, Lefter Maliqi, ka sqaruar pozicionin që do të mbajë në sallën e Parlamentit.

Maliqi ka pohuar se ndjehet krenar që është pjesë e PD-së, se nuk ka asgjë me anëtarësinë e kësaj partie dhe se në sallën e Parlamentit do të vijoj të jetë përfaqësues i saj.

Në përgjigje të pyetjes së moderatorit, lidhur me sulmet ndaj kryetarit Lulzim Basha, Maliqi sqaroi se ai është në konflikt me lidershipin e PD-së, jo vetëm se e hëngri pas krahëve, duke e mashtruar në më shumë se dy raste, por edhe sepse me mënyrën e drejtimit të partisë Basha po i merr në qafë demokratët e vërtetë. Prej të cilëve, sikurse ai pohoi, merr mesazhe çdo ditë, me ftesën për tu bërë zëdhenësi i tyre.

“Nuk kam asgjë me PD-në, as me anëtarësinë e saj të nderëshme. E kam me lidershipin e partisë, me Lulzim Bashën, që më ka ngrëne pas krahëve, po jo vetëm për këtë shkak, por sepse me rrugën e mashtrimit ai po drejton dhe PD-në. Po merr në qafë demokratët e thjeshtë. Po e çon PD jo drejt fitores, por në dështim. Fati i Edi Ramës është se ka përballë një lidership opozite që nuk sjell fitore, por humbje. E vërtetoi këtë dhe sondazhi i fundit që tregonte se PS fitonte në njëmbëdhjetë qarqe të vendit”./CNA.al





Lajmet e fundit nga