web counter
LEXO PA REKLAMA!

SHKARKO APP

App Store
Google Play

E fundit!

x

Arian Galdini:LDE gati për zgjedhjet lokale

10 Mars 2019, 09:28, Aktualitet CNA

Kryetari i LDE – Partia për Liri, Demokraci dhe Etikë  Arian Galdini ka bërë thirrje sot për anëtarët, simpatizantët dhe dashamirësit e partisë së tij që të fillojnë përgatitjet për zgjedhjet lokale të 30 qershorit.

Ndonëse LDE është parti opozitare dhe në Koalicion me PD, Galdini për asnjë çast nuk ka ngurruar që ta bëjë publik qëndrimin e tij kritik ndaj strategjisë së ndërmarë nga Opozita pas 16 shkurtit e këndej.

Kreu i LDE ka publikuar disa shkrime dhe videomesazhe ku është deklaruar fort dhe haptazi kundër dhunës, kundër djegies së mandateve dhe kundër gjuhës që nxit konflikte civile.

Gjithashtu Galdini është distancuar qartë prej përpjekjeve të vërejtura për ta vendosur Opozitën në pozita pëplasjeje me Perëndimin, duke dënuar retorikat fyese dhe etiketuese ndaj cilitdo zyrtar dhe përfaqësues të BE dhe SHBA.

Ne jemi qartësisht parti pro Amerikane dhe pro Europiane.” – përsërit parreshtur Kreu i LDE Arian Galdini./CNA.al

Postimi i plotë i Arian Galdinit:

LDE ka lindur si parti e thjeshtë, mes qytetarëve, e barabartë me qytetarët, me ritmin e qytetarëve.

LDE nuk ka lindur as si parti e ish-ëve, as si parti e porositur, as si parti e ndonjë pasaniku apo të korruptuari nga pushtetet, as si parti e financuar.

Madje LDE është që nga dita e parë e krijimit të saj, një parti që ndërtohet mes vuajtjes së pamundësive, mbijeton, humbet, bie, ringrihet, struket, ripërtërihet, njëlloj si jeta e një qytetari të thjeshtë shqiptar.

Në gjithçka kemi bërë, ia kemi dalë mbanë të mbrojmë  e të ruajmë identitetin tonë, integritetin tonë dhe shpirtin e frymën tonë unike si parti e komunitetit moral, si parti e besëlidhjes së të mirëve dhe të merituarve, si partia e pangjashme me asnjë parti tjetër në Shqipëri, si partia e qytetarit të thjeshtë dhe të ndershëm.

Miq, na thonë se nuk ekzistojmë.

Për mediat nuk ekzistojmë.

Për sistemin nuk ekzistojmë.

Ok, ja ku jemi pra.

120 shqiptarë të mirë, qytetarë të thjeshtë e të ndershëm në Berat.

Jemi ngado në Shqipëri.

Jemi gati 2000 vetë në Komunitetin tonë Politik LDE, në të gjithë Shqipërinë.

Ne do tia dalim mbanë.

Asgjë nuk do të na e ndalë ritmin dhe qëllimësinë për të qenë partia e së nesërmes.

Ne nuk kemi lindur as nga dhuna, as nga premtimet, as nga ankimet, as nga zemërata, as nga porositë, as nga paratë, as nga krimi, as nga ish-ët.

Ne kemi lindur nga pasioni i qytetarit të thjeshtë e të ndershëm për ta ndryshuar vendin e tij, Shqipërinë tonë.

Dhe do tia dalim.

Prandaj ne do marim pjesë në zgjedhjet lokale të 30 qershorit.

Prandaj unë u bëj thirrje të gjithë qytetarëve të thjeshtë e të ndershëm që të bashkohemi e bëhemi gati për zgjedhjet lokale.

Të zgjedhim më të mirët ndër ne, të konkurojmë me më të mirët ndër ne.

Ne jemi parti ambicioze, që nuk kemi lindur për të mbetur të vegjël.

Jemi të dobët sot njëlloj si qytetari shqiptar.

Por jo të vegjël.

Ne jemi me aspirata e qëllime të mëdha e do tia dalim.

Patjetër që do tia dalim.

Jemi ne partia e së nesërmes.

Jemi parti e qendrës së djathtë.

Jemi parti opozitare.

Jemi kundër qeverisjes së Rilindjes dhe së Majtës.

Jemi si ai qytetari i thjeshtë që e do vendin me gjithë dashurinë që ka për fëmijët e tij.

LDE – Partia për Liri, Demokraci dhe Etikë

 

 

 





Lajmet e fundit nga