web counter
LEXO PA REKLAMA!

SHKARKO APP

App Store
Google Play

Deklarata e fortë e Grida Dumës/ "PD ishte kthyer në një OJF"

10 Mars 2019, 09:13, Aktualitet CNA

Ish-deputetja demokrate Grida Duma, ka thënë se PD ishte kthyer në Parlament si një Organizate Joqeveritare.

Ajo e ka argumentuar këtë deklaratë, me pamundësinë e grupit parlamentar i PD-së, për të ndryshuar ligje apo çështje të caktuara.

“Jeta parlamentare u  kthye në një mazhorancë që kishte në dorë absolutisht çdo gjë, pjesa jonë pastaj ishte të kishim të drejtën e fjalës.Fjala nëse nuk prodhon diçka në politikë të kthen  në një organizatë politike joqeveritare”, ka thënë Duma në emisionin “Xing me Ermalin”.

Për ish-deputeten demokrate kjo situatë ka qenë e papranueshme.

“Asnjëherë edhe kur s’kam qenë në Parlament, nuk e kam pranuar dot që një parti politike të kthehet në një OJF. Nëse je në Parlament, diku duhet të ketë një moment që ne të ndryshojmë diçka në emër të atyre që përfaqësojmë. Dhe nuk na ka ndodhur asnjëherë që kemi thënë diçka për një ligj të caktuar, njëherë të vetme nuk arritëm dot me këtë mazhorancë që  të ndryshonim gjënë më të vogël dhe tani gjithë projektorët i kemi çuar drejt vetes dhe drejt një moment aksioni që mazhorancën e ka lënë krejtësisht  pa fjalë”, është shprehur më tej Duma./CNA.al





Lajmet e fundit nga