E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Djegia e mandateve/ Opozita la një derë hapur për rikthim

8 Mars 2019, 18:32, Aktualitet CNA

Ish deputetët e opozitës duket se kanë lënë një derë hapur për t?u rikthyer në Parlament, nëse arrihet një marrëveshje politike. Ish kreu i KQZ-së, Kristaq Kume, në një intervistë për TemA TV, u shpreh se nuk janë ndjekur procedurat normale për lënien e mandatit, dhe kjo shërben si një shteg për tu rikthyer nëse ka vullnet politik.

Nga Mariglen Kume

Partia Demokratike, Lëvizja Socialiste për Integrim dhe aleatët janë larguar nga Parlamenti, duke lënë një derë hapur për t?u rikthyer, nëse mandatet e tyre nuk zëvendësohen.

Sipas ish kreut të KQZ-së, Kristaq Kume, procedura e mandateve për lënien e mandateve nuk është ndjekur në mënyrë të rregullt, ndaj nëpërmjet këtij shtegu, ish- deputetët, nëse arrihet një marrëveshje politike, edhe mund të rikthehen sërish në Parlament.

?Ka shteg që mund të kthehen, të gjithë ata që ikën mund të kthehen në Kuvend.

Nuk është zbatuar procedura ligjore për dorëheqjen nga mandati.

Deputetët, ose ata që ishin deputetë, deklaruan dorëheqjen vetëm me shkrim, që u depozitua në Kuvendin e Shqipërisë.

Ligji zgjedhor thotë: Nuk njeh, nuk përbën shkak për ndërprerjen e mandatit neni 164, deklarata kolektive ose publike.

Që të mund të ndërpritet mandate, duhet që deputeti të deklarohet publikisht përpara Këshillit të Mandateve që dorëhiqet nga cilësia e deputetit të Kuvendit të Shqipërisë.

Kjo gjë nuk është bërë, nuk është mbledhur Këshilli i Mandateve, nuk ka administruar Këshilli i Mandateve kërkesat, ose dorëheqjet e deputetëve?, deklaroi Kristaq Kume, ish-kryetar i KQZ-së.

Javën e ardhshme, dy kandidatë nga lista e LSI-së që kishin firmosur mos marrjen e mandateve pritet që ta marrin atë, pasi ndryshuan mendjen.

Në lidhje me këtë, Kume bëri një sqarim se kur ka vlerë lista me firmat e kandidatëve në listën shumë emërore të opozitës.

Sipas Kumes, kandidatët mund të ndryshojnë mendjen për të marrë mandatin vetëm nëse nuk kanë kërkuar dorëheqjen të parevokueshme

?Heqja dorë në këtë mënyrë mund të jetë e parevokueshme, dhe nëse është e shkruajtur e tillë, pishmani le të bëhët dhe ti mbetet pishman për tër jetën, nuk mund ti kthehet më.

Nëse nuk është shkruajtur e parevokueshme, mund të kthehet?, theksoi Kume.

Ndërkohë, në dy vizita e fundit të ndërkombëtarëve në Shqipëri, i kanë bërë thirrje palëve politike që të dialogojnë.

Ata këmbëngulin që nëse ka vullnet për dialog, kriza politike aktuale në Shqipëri, që sipas tyre pengon integrimin e vendit, mund të kapërcehet.

Apel i fundit vjen edhe nga kryedipolmati i BE-së në Shqipëri, Luigi Soreca./ TemA