LEXO PA REKLAMA!

SHKARKO APP

Akuza e Murrizit/ Genc Pollo dhe Alibeaj sabotuan fushatën e PD

21 Shkurt 2019, 20:37, Aktualitet CNA
Akuza e Murrizit/ Genc Pollo dhe Alibeaj sabotuan fushatën e PD

Deputeti demokrat, Myslym Murrizi i cili nuk ka pranuar të djegë mandatin e deputetit, ka ngulmuar se problemi kryesor në Shqipëri është Sistemi aktual Zgjedhor.

Nisur nga kjo ai ka marrë shembull fushatën e zgjedhjeve të përgjithshme të vitit 2017 në qarkun e Fierit.

Sipas Murrizit, i pari dhe i dyti i listës, përkatësisht Enkelejd Alibeaj dhe Genc Pollo nuk kanë dalë fare në fushatë sepse e kishin të sigurtë mandatin e deputetit.

Ndërkohë më tej Murrizi shton se pesha e fushatës në qarkun e Fierit i ka ngelur numrit 3 dhe 4 ku përkatësisht Myslym Murrizi dhe Luan Baçi, ndërsa numri 5 dhe 6 i listës nuk paguanin as një kafe ngaqë e kishin të sigurtë që nuk fitojnë.

?I pari dhe i dyti i listes së PD-së në qarkun e Fierit, nuk dilnin në fushatë se e kishin të sigurtë mandatin, numri 5 dhe numri 6 nuk bënin fushatë dhe nuk paguanin as një kafe se e kishin të sigurte që nuk fitonin, numri 3 dhe 4 ku isha unë dhe Luan Baçi, mbanin gjithe barrën e fushatës në kurriz?,-tha ndër të tjera Murrizi në News 24./CNA.al

Lajmet e fundit nga