web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 16 shkurtit/ Policia paralajmëron qytetarët

12 Shkurt 2019, 13:58, Aktualitet CNA

Policia u ka bërë thirrje të gjitha partive politike që do të marrin pjesë në protestën e 16 shkurtit që të mos nxisin dhunë apo veprime që jan kundër qetësisë publike.

Në një njoftim për mediat, Policia e Shtetit gjithashtu është shprehur e shqetësuar për pjesëmarrjen e personave me precedent penal në këtë protestë.

?Po ashtu Policia e Shtetit ndan me publikun shqetësimin për përfshirjen në atë tubim të individëve me precedentë penalë apo të nxitur nga aktorë të tretë, të cilët synojnë krijimin e një klime destabiliteti në Shqipëri. ?-thuhet në njoftim.

Më tej, policia u ka kërkuar të gjithë atyre personave që nuk kanë lidhje me protestën të mundohen të kufizojnë lëvizjet e tyre gjatë 16 shkurtit.

Në njoftimin e policië theksohet se do të kryhen të gjitha kontrollet e nevojshme, në mënyrë që të mos ketë ngjarje dhe persona të përfshirë në ngjarje kriminale në protest.

?Policia e Shtetit informon gjithashtu se do të kryejë kontrolle intensive të mjeteve në disa akse kryesore me qëllim që të parandalojë përfshirjen e personave me rekorde dhe precedentë kriminalë në protestën e datës 16 shkurt në interes të sigurisë së pjesëmarrësve të saj dhe të qytetarëve të tjerë.?-njofton Policia e Shtetit./CNA.al





Lajmet e fundit nga