web counter
LEXO PA REKLAMA!

SHKARKO APP

App Store
Google Play

Vrasja e Ardit Gjoklajt/ Prokuroria dhe Gjykata në shërbim të Veliajt

9 Shkurt 2019, 11:10, Aktualitet CNA

Drejtësia e korruptuar, e marrë peng nga politika, duket se është vënë në shërbim të kryebashkiakut të Tiranës, Erion Veliaj, për të mbuluar një ngjarje kriminale.

Bëhet fjalë për rastin e Ardit Gjoklajt, i cili u gjet i vdekur në landfillin e Sharrës në verën e vitit 2016.

Mediat raportuan sot se ?Në vendimin nr. 1170, datë 17.04.2018 të gjykatës së rrethit gjyqësor Tiranës jepen fakte që vërtetojnë se viktima mund të jetë vrarë jashtë zonës së landfillit, provuar kjo edhe nga aktet e ekspertimit, që janë prova të pakundërshtueshme në këtë proces penal.

Vendimi i arsyetuar i gjykatës, i cili mbështetur mbi fakte e prova, por edhe nga ekspertiza e mjekëve ligjorë, vërteton faktin se Ardit Gjoklaj mund të jetë vrarë jashtë landfillit të Sharrës. Sipas ekspertëve, këtë e provojnë edhe analizat e ADN-së, ku rezultojnë se nuk ka asnjë provë që Gjoklaj të jetë goditur nga mjeti që ka punuar atë ditë në landfill.?

Por, nuk mbaron me kaq. Aty ku drejtësia mungon, ngjarja mund të përshkallëzohet në hakmarrje.

Aty ku krimi bëhet palë me  prokurorinë dhe gjykatat, rruga që gjendet është hakmarrja.

Vetëm pak ditë më parë ndaj shoferit të eskavatorit që dyshohet se vrau Ardit Gjoklajn u bë një atentat me armë zjarri. Ngjarja u mbajt e fshehtë nga Policia dhe vetëm pas raportimit nga media, është dhënë informacion zyrtar.

Tashmë Ardit Gjoklaj është vrarë për së dyti nga drejtësia, që duhej të vinte para përgjegjësisë fjatorët./ CNA.al

Vrasja e Ardit Gjoklajt/ Elisabeta Imerajt i shpërthen ?bomba? në duar





Lajmet e fundit nga