web counter
LEXO PA REKLAMA!

SHKARKO APP

App Store
Google Play

Qeveri teknike/ Gazetari “shuplakë” Bashës

19 Janar 2019, 13:06, Aktualitet CNA

Gazetari Bledian Koka, kërkesën e Partisë Demokratike për krijimin e një qeverie kalimtare, e ka cilësuar si muhabet pazari.

Në një postim në rrjetet sociale, ai pyet se si do ta nxjerrë opozita vendin nga kriza, kur sipas tij e vetmja gjë që ajo ka bërë është hedhja e vezëve në Kuvend.

?Qeveri teknike?!…

PD ka propozuar krijimin e qeverisë kalimtare për të zgjidhur krizën politike. Pyetja është se cilën krizë politike kërkon të zgjidhë ajo?!… Opozita është në parlament sot e gjithë ditën me vezë e me çizme?-shprehet gazetari.

Koka shton se edhe ajo pak shpresë për mosdekretimin e kryeministrit Edi Rama edhe në postin e ministrit të Jashtëm u thye.

?Edhe atë shpresën që kishin tek Ilir Meta se mos e mbante varur Edi Ramën me punën e ministrit të Jashtëm, sot plaku i Surrelit është me dy rroga.?-vijon ai.

Gazetari nuk lë pa përmendur fakti që kryebashkiaku Erion Veliaj siguroi një mandat të tretë.

?Edhe Veliaj e siguroi mandatin e 3-të dhe ca po thoshim?!…?-thotë Bledian Koka.

Në fund të shkrimit ai thekson që vendi është në një krizë politike, por sipas Kokës të gjitha sugjerimet e opozitës dhe kreut të PD-së, Lulzim Bashës janë muhabete pazari.

?A po, Shqipëria në krizë politike. Po e vërtetë që ka një krizë politike. Madje një kapsllik politik. Është ajo ka kapluar opozitën që vjen vërdallë si kali në lëmë. Nëse Lulzim Basha do të kishte kërkuar sot një qeveri teknike për të mundësuar çeljen e negociatave në Qershor, kjo padiskutim do të ishte një propozim që do të bënte logjikë. Të tjerat janë llafe pazari të shtunën në SHQUP.  p.s…deri në një njoftim të ri, muhabete të vjetra kemi nga PD-ja?-shkruan gazetari Bledian Koka./CNA.al

 

 





Lajmet e fundit nga