E padëgjuar më parë/ Ministrat punuan mirë, u shkarkuan për vjetërsi në detyrë?!

30 Dhjetor 2018, 17:59, Aktualitet CNA

Shkarkimi i shtatë ministrave të kabinetit Rama 2, nga Kryeministri, sikurse ky i fundit fjalëroi në mbledhjen e Asamblesë së socialistëve, ndodhi jo për arsye paaftësie, as për punë të dobët. Madje pse nuk ishte kjo arsyeja Kryeministri nuk nguroi ti thurr lavde gjithsecilit prej shtatë të shkarkuarve për punën e shkëlqyer që kishin bërë. Por edhe të komunikoj se e kishte ndërmarrë aktin e shkarkimit nga postet që mbanin pasi kishin konsumuar qëndrimin pesë vjeçarë në detyrë. Një arsye kjo e paparashikuar në asnjë ligj, nënligj, urdhëresë, dokument, shkresë etj., parashtresa zyrtare, por edhe e padëgjuar kurrë më parë në historinë e ristrukturimit të kabineteve.

?Do të ishte absolutisht e pavërtetë, nëse do të thuhej që sot, ndryshimi vjen si rezultat i dështimeve. Jo!… Ata janë një pjesë e mirë e udhëheqjes të Partisë Socialiste. Janë një investim strategjik i familjes sonë politike, janë një gjeneratë drejtuesish që ka shumë për t?i dhënë edhe kësaj familje, edhe Shqipërisë, në Parlament, në qeveri, prapë në të ardhmen.

Të gjithë ata që kanë 5 vjet në kabinet do t?ia lënë vendin të tjerëve. E për të gjithë, unë do të bëj një falënderim të posaçëm, duke ju thënë se për punën dhe rezultatet e gjithsecilit mund të mbaja një fjalë më vete, sepse janë punë dhe rezultate të çdo sektori. Dua ta filloj me Linditën, sepse në asnjë mënyrë e vërteta nuk është ajo që duket në këtë moment, kur Lindita është vënë në qendër të ciklonit?, ishte fjala e Ramës para Asamblesë.

Për lavdërimin në kreshendo vlerësuese dhe shkarkimin nga detyrat ka një logjikë referuese sipas të cilës ose ministrat duheshin shkarkuar për paaftësi në drejtimin e dikastereve që mbulonin, ose duheshin lavdëruar për punën e mirë dhe ti propozohej presidentit Meta akordimi i medaljes ?Mjeshtër i madh i punës? për gjithsecilin prej tyre. Sepse e kundërta e ndodhur, pra lavdërimi dhe shkarkimi e bëjnë procesin zyrtar absurd dhe qesharak, kurse Kryeministrin, më e pakta, njeri të papërgjegjshëm. Një tip drejtuesi anormal, i cili i trajton ata që ka nën vartësi si të ishin gurë shahu dhe jo pjesë e shtabit të tij qeverisës, çka presupozon detyrimin për ti shkarkuar vetëm nëse ata kanë shkelur pikat që ligji përcakton për të ndërmarrë një akt të tillë./CNA.al