E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Mundësi e shkëlqyer për të gjithë shqiptarët që janë larg/ Ja si mund të merrni pjesë në Panairin e Librit me çmime speciale

15 Nëntor 2018, 08:11, Aktualitet CNA

Mesi i nëntorit tashmë është kthyer në një festë të madhe për botuesit, lexuesit dhe për librin shqip në përgjithësi. Prej muajsh po punohet maksimalisht nga industria e shtypshkrimit, autorët, përkthyesit, redaktorët, dhe entet botuese në mënyrë që vitrinat e librit të jenë plot dhe me tituj të larmishëm, teksa lexuesi pret surprizat.

Gjithsesi, kjo mbetet kryesisht festa e botuesit, sepse aty kurorëzohet puna dhe mundi i tij përgjatë një viti. Në një treg relativisht të vogël si ky i yni, botuesi duhet vlerësuar sepse ka rritur në mënyrë cilësore botimin, ka shtuar larminë e botimeve, po sjell shpejt në shqip tituj që sapo janë botuar nëpër botë, ka rritur standardet e redaktimit, dizajnit, dhe ka mbajtur çmime relativisht konkurruese në treg.

Por, a është e mundur që këtë festë të bukur ta çojmë përtej një hapësire fizike të kufizuar? Si mundet ta përcjellim librin dhe atmosferën që krijon ai tek lexuesi në kohë reale? Si mund të japim lajmin dhe ofertën te sa më shumë dashamirës të librit?

www.Bukinist.al tashmë është platforma më e madhe online që po përpiqet ta bëjë një gjë të tillë.

Këtë vit kjo platformë ka më shumë mundësi dhe burime sepse tashmë është pjesë e Balfin Group. Ky është lajmi i mirë edhe për botuesit dhe lexuesit në përgjithësi. Platforma po organizon për të tretin vit radhazi Panairin e Librit kudo ku është lexuesi. Por, kësaj radhe ajo do të jetë edhe vetë fizikisht në mjediset e Pallatit të Kongreseve.

Stenda e saj do të jetë një pikëtakimi me lexuesit; do të komuinikojë me ta, do të ofrojë mundësinë për të informuar lexuesit për mënyrën e realizimit të blerjes online dhe do të presë sugjerime dhe këshilla për të përmirësuar shërbimin.

Mbitëgjitha, ajo do t?i krijojmë mundësinë të gjithë personave të pranishëm në mjediset e panairit që të bëhen ?Mik Bukinist-i?. Stenda e saj nuk do të ketë libra, pasi atë do ta bëjnë botuesit në përgjithësi; por ajo do t?u ofrojmë status miku special lexuesve; pasi ata do të kenë mundësinë që të marrin libra përherë me ulje 10%, oferta ekskluzive, procedim prioritar, dhurata etj.

Për herë të parë, përfaqësuesit e Bukinistit do të synojnë që përmes stendës të komunikojnë virtualisht me lexuesit që nuk mund të jenë të pranishëm fizikisht në Panair;

?Do të bëjmë biseda me autorë, përkthyes, studiues, pedagogë, botues, hartues politikash kulturore, etj. Të gjitha zhvillimet e panairit do të kenë dritare virtuale ndjekësit e Bukinist në Facebook dhe Instagram. Në stendën tonë, me malin e librave që bie lart nga qielli mund të bësh një selfie, mund të rekomandosh një libër tek një mik, duke e taguar diku larg, mund të bësh një sfidë leximi, etj? ? shprehen drejtuesit.

Një surprizë tjetër për ata që nuk do të kenë mundësinë që të jenë të pranishëm fizikisht në mjediset e Panairit do të jenë edhe ofertat.

Të gjithë librat do të jenë -20% për lexuesit online. Bukinist do të dhurojë mijëra kupona realë dhe virtualë përgjatë gjithë ditëve të panairit.

Ky është një rast i shkëlqyer edhe për bashkatdhetarët jashtë vendit, të cilët e duan dhe kanë nevojë për librin shqip. Ata do të kenë të gjitha ofertat, do të ndjekin të gjitha eventet dhe do të kenë mundësi të marrin të gjithë librat e rinj që janë hedhur në qarkullim.

Bukinisti do të jetë në Panairin e librit si platforma më kreative dhe interaktive, – partneri më serioz i botuesit dhe aleati i lexuesve, aty ku janë ata; me të gjitha lajmet e mira, me ofertat dhe surprizat e shumta. Prandaj ndiqeni atë dhe ecni bashkë me të me pasionin për librat.

Bukinisti është pjesë e ?Dyqan Taxi?, kompanisë së Grupit Balfin, që është Grupi më i madh i investimeve në Shqipëri dhe më gjerë në rajonin e Ballkanit./CNA.al