web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron furtunë në PS/ Kush e ka radhën pas Xhafajt

8 Nëntor 2018, 08:38, Aktualitet CNA

Me 30 qershor 2018, qytetarët shqiptarë do t?i drejtohen kutive të votimit, por kryeministri Edi Rama vijon të jetë kritik sa i takon përgatitjes për zgjedhjet vendore.

Dje kryeministri ka pasur një takim me koordinatorë, deputetë, krerë bashkish apo zv/ministra, të cilët po merren me organizmin e partisë dhe përgatitjen për zgjedhje. Sipas gazetës Sot, shefi i qeverisë dhe i PS është ia pakënaqur me mënyrën se si po ecën partia. Ai ka kërkuar që të gjithë të jenë në terren dhe të binden qytetarët se PS është e vetmja alternativë. Rama ka kërkuar që të ketë më shumë vëmendje te punësimi dhe për këtë arsye duhet të hapen sa më shumë vende pune.

Por nga ana tjetër, ai ka paralajmëruar se ata kryebashkiakë që kanë dështuar nuk do të rikandidohen, ndërsa të njëjtin fat do kenë dhe deputetët në zgjedhjet e 2021. Shumë i pakënaqur Rama ka qenë dhe koordinatorët në rrethe, pasi organizimi i partisë nuk po ecën si duhet. Ka ende shumë krerë degësh që kanë performancë të dobët dhe nuk përjashtohet mundësia që të ketë shkarkime dhe në radhët e tyre. Ultimatumi i Ramës vjen pas largimit të Fatmir Xhafajt, ndërkohë që ka dhe shumë ministra të tjerë që janë në ankth.

Në qeveri e PS presin që të ketë të tjera lëvizje në radhët e ministrave. BE ka lënë një sërë detyrash për të përmbushur dhe ata që kanë dështuar mund të largohen. Por sinjalet janë se kryeministri mund të sjellë furtunë në të gjithë sektorët, nga qeveria në radhët e deputetëve e deri te kryebashkiakët.





Lajmet e fundit nga