web counter
LEXO PA REKLAMA!

SHKARKO APP

App Store
Google Play

Frika dhe pazaret me Ramën /Kushtetuta si letër higjenike e Ilir Metës

3 Nëntor 2018, 19:22, Aktualitet CNA

Një vit më parë Presidenti Bujar Nishani në një dalje për mediat tha se nuk e pengonte dot dekretimin e Fatmir Xhafajt si ministër i Brendshëm, sepse nuk ja jepte këtë kompetencë Kushtetuta, ndërsa sot Ilir Metës ja ka dhënë një vit më pas dhe ka refuzuar një dekretim.

Një vit më parë Presidenti Bujar Nishani kishte shumë argumenta për ta rrëzuar, që nga një zyrtar i diktaturës, tek një njeri me familjarë me lidhje kriminale për Fatmir Xhafajn. Nishani në daljen e tij për mediat e tha copë, Xhafa nuk duhet ministër i Brendshëm, por ai nuk e pengonte dot pasi ishte i detyruar ta dekretonte.

Sot Presidenti pasardhës Ilir Meta ka refuzuar Sandër Lleshajn si ministër i Brendshëm me një fjali që e tha publikisht zëshënësi i tij Tedi Blushi.

?Presidenti i Republikës, Sh.T.Z Ilir Meta nuk ka krijuar bindjen e plotë për t’i dhënë besimin kandidaturës së Z.Sandër Lleshaj si ministër i Brendshëm?. Nishani e dekretoi edhe pse nuk donte sepse e detyronte Kushtetuta, Ilir Meta për pazaret dhe betejat e tij refuzon dekretimin.

Dy Presidentë, dy standarte një Kushtetutë, por Gjykatë Kushtetuese për interpretim nuk kemi. Që Ilir Meta e bën për pazar kjo nuk ka diskutim, për KLSH, Bankën e Shqipërisë, SHISH etj, kjo tashmë dihet publikisht, por ka dhe një hall tjetër.

Meta do Ministër të Brendshëm dikë që të besojë dhe vetë, të ketë dhe lidhje vetë, ashtu siç kishte me Fatmir Xhafajn, pasi do garanci për kokën e tij. Por pazari dhe frika për kokën e çuan Presidentin në aventurë. Një fjali i takon edhe Kushtetutës që në këtë rast Ilir Meta e ktheu në letër higjenike./ CNA.al

 





Lajmet e fundit nga