web counter
LEXO PA REKLAMA!

SHKARKO APP

App Store
Google Play

Krijimi i ushtrisë së Kosovës/ Rusia shpreh hapur pakënaqësitë

28 Tetor 2018, 21:48, Aktualitet CNA

Ministria e Jashtme ruse ka reaguar ashpër ndaj përpjekjeve të Kosovës për krijimin e ushtrisë. Në reagimin e tyre thuhet se një vendim i tillë dëmton stabilitetin e Ballkanit.

Sipas Ministrisë së Jashtme ruse, askush nuk mund të japë garanci se të ashtëquajturat forca të armatosura, të cilët përbëhen nga terroristë të UÇK-së, nuk do të përdorin dhunë kundër popullatës serbe në veri, raportojnë mediat kosovare.

Kujtojmë këtu, se kundër Ushtrisë së Kosovës është shprehur edhe qeveria serbe, zyrtarë të së cilës kanë deklaruar se do të përdorin çdo mekanizëm për ta parandaluar themelimin e saj.

?Rusia i ka tërhequr vazhdimisht vëmendjen komunitetin ndërkombëtar se tendencat e tilla nuk janë në përputhje me Rezolutën 1244, e cila thotë se Kosova duhet të mbetet nën mbikëqyrjen e ndërkombëtarëve. Askush nuk mund të japë garanci se të ashtuquajturat forca të armatosura, të cilat përbëhen nga terroristë të UÇK-së, nuk do të përdorin dhunë kundër popullatës serbe në veri. Ata që mbështesin Kosovën po përpiqen me shpejtësi të riorganizojnë FSK-në në ushtri të plotë në mënyrë që të transferojnë ish militantët nën patronazhin e NATO-s. Ushtria e Kosovës dëmton stabilitetin në Ballkan dhe nuk është në përputhje me të drejtat e atyre që jetojnë atje dhe e meritojnë një të ardhme të qetë dhe të sigurt?, thuhet në deklaratën e Ministrisë së Jashtme ruse. /CNA.al





Lajmet e fundit nga