web counter
LEXO PA REKLAMA!

SHKARKO APP

App Store
Google Play

E fundit!

x

Reagimi i Athinës për vrasjen e të riut grek/ Kundërpërgjigjet pala shqiptare

28 Tetor 2018, 18:49, Aktualitet CNA

Ministria e Punëve të Jashtme, është shprehur e zhgënjyer nga reagimi i palës greke, në lidhje me vrasjen e 35 vjeçarit Kostantinos Kaçifas nga RENEA, në fshatin Bularat të Gjirokastrës.

Në reagimin e ministrisë, thuhet se policia shqiptare e sqaroi me detaje ngjarjen,  e cila rezulton e izoluar nga aktiviteti në nder të të rënëve të luftës italo-greke.

Ndër të tjera në reagim thuhet se ajo që ndodhi sot ishte një agression ekstremist ndaj Policisë së Shtetit Shqiptar. Gjithashtu pala shqiptare i ka bërë thirrje autoriteteve greke, që të mos i japë ngjyrim politik kësaj ngjarjeje.

Deklarata e plotë

Ministria për Evropën dhe Punët e Jashtme e Republikës së Shqipërisë, bashkë me keqardhjen për ngjarjen e ndodhur sot në Bularat, Gjirokastër, ku humbi jetën shtetasi Konstandinos Kacifa, shpreh po ashtu keqardhjen për politizimin e pajustifikueshëm të ngjarjes në shtetin fqinj. Rrethanat në të cilat humbi jetën shtetasi Kacifa, janë bërë të ditura zyrtarisht nga autoritetet kompetente shqiptare. Policia e shtetit ka sqaruar me detaje se kjo është një ngjarje totalisht e izoluar nga aktivitetet e sotme ne zonë dhe një rast flagrant agresioni ekstremist ndaj Policisë së Shtetit Shqiptar.Ministria për Evropën dhe Punët e Jashtme shpreh zhgënjim për reagimin e Ministrisë së Punëve të Jashtme të Greqisë, e cila jo vetëm nuk dënon sulmin me armë ndaj forcave tona të rendit, po flet për “humbje jete të papranueshme”.  Duke bërë thirrje për maturi dhe mosngjyrime politike e diplomatike të këtij rasti sa të qartë dhe të paprecedentë, i sigurojmë fqinjët tanë se Shqipëria është vend i sigurt e i qetë për të gjithë shtetasit e saj, përfshirë pa asnjë dallim ata me kombësi greke./CNA.al

 

Vrasja e 35 vjeçarit grek nga RENEA/ Athina kërkon shpjegime nga pala shqiptare





Lajmet e fundit nga