web counter
LEXO PA REKLAMA!

SHKARKO APP

App Store
Google Play

Këshilli i Ministrave merr vendimin/ Jo më import makinash me mbi 10 vite përdorim

26 Tetor 2018, 21:18, Aktualitet CNA

Në Shqipëri nuk do të importohen më automjete me mbi 10 vite përdorim. Ky vendim u miratua ditën e sotme nga Këshilli i Ministrave dhe është në përputhje të plotë me ligjislacionin kombëtar për mbrojtjen e  cilësisë së ajrit, shkruan Scan.

Sipas vendimit, mjetet motorike të cilat do të lejohen të regjistrohen në Shqipëri, duhet të plotësojnë këto kushte:

-Autoveturat e reja me zero km dhe që nuk janë regjistruar më parë për qarkullim në asnjë shtet tjetër, të cilat përmbushin normën EURO 5, të Bashkimit Evropian;

-Mjetet motorike të tjera të reja si motorë, autobusë, kamionë të kategorive M2 dhe N1, me zero km dhe që nuk janë regjistruar më parë për qarkullim në asnjë shtet tjetër, të cilat përmbushin normën EURO 5, të Bashkimit Evropian;

-Autoveturat e përdorura (të gjitha ato që nuk janë me zero km dhe që janë regjistruar më parë për qarkullim në rrugë në një shtet tjetër, të cilat përmbushin normën EURO 4) duhet të jenë prodhuar jo me shumë se 10 vjet para datës së regjistrimit të parë në Shqipëri;

-Mjetet motorike të tjera të përdorura si motorë, autobusë, kamionë, të kategorive M2 dhe N1, (të gjitha ato që nuk janë me zero km dhe që janë regjistruar më parë për qarkullim në rrugë në një shtet tjetër, të cilat përmbushin normën EURO 3) duhet të jenë prodhuar jo më shumë se 15 vjet para datës së regjistrimit të parë në Shqipëri.

Vendimi parashikon se  automjetet të cilat kanë hyrë në territorin shqiptar para hyrjes në fuqi të këtij vendimi, por nuk kanë përfunduar procedurat e regjistrimit, kanë afat deri në 1 mars 2019, për kryerjen e procedurave të nevojshme.





Lajmet e fundit nga