web counter
LEXO PA REKLAMA!

SHKARKO APP

App Store
Google Play

Akuza për shitblerjen e votës/ Kush është aleati i Bashës që e mbështeti Dakon në zgjedhje

26 Tetor 2018, 18:55, Aktualitet CNA

Kreu i Partisë Agrare Ambientaliste dhe njëherazi aleat i Lulzim Bashës, Agron Duka, duke folur nga studio e Repolitix, ka rrëfyer marrëdhënien  me kreun e Bashkisë së Durrësit, Vangjush Dako, i cili akuzohet se ka përdorur bandën e Shijakut për të siguruar vota.

Duka është shprehur se e ka mbështetur Dakon në zgjedhjet lokale të 2007-ës, kur fitoi mandatin e parë në krye të Bashkisë së Durrësit.

Ai, ka thënë më tej se me Dakon ka qenë edhe kundërshtar edhe aleat politik, ndërsa shton se ajo që e shqetëson më shumë në këto momente është shitblerja e votës.

Sipas Dukës, Dako ka thelluar rezultatin, nga zgjedhjet në zgjedhje, duke përdorur njerëzit që kanë posesivitet në popull qofshin ata që janë të fuqishëm në investime, por dhe të fortët.

?Kam qenë një nga përkrahësit kryesorë të tij në 2007 kur u zgjodh për herë të parë kryebashkiak. Me Dakon kam qenë edhe kundërshtar edhe aleat politik. Ajo që më shqetëson më shumë në këto momente është shitblerja e votes. Dako ka thelluar rezultatin nga zgjedhjet në zgjedhje, duke përdorur njerëzit që kanë posesivitet në popull, qofshin ata që janë të fuqishëm në investime, por edhe të fortët?, tha Duka. /CNA.al





Lajmet e fundit nga