web counter
LEXO PA REKLAMA!

SHKARKO APP

App Store
Google Play

Dashamir Shehi- Ramës: Do të them faleminderit nëse …

17 Tetor 2018, 19:45, Aktualitet CNA

Kreu i LZHK-së, Dashamir Shehi i ftuar në studion e lajmeve në Ora News ka folur për propozimin e ri të kryeministrit Edi Rama për mbylljen e basteve në datën 1 janar 2019.

Shehi është shprehur se  nëse Rama e mban këtë fjalë të dhënë atëherë ky veprim i tij duhet përshëndetur, ndërsa ka theksuar se do të jetë ai i pari që do ta falenderoj.

Më tej kreu i LZHK-së ka thënë se nëse këto baste i transferojnë në ndonjë linjë online ku paratë i marrin 2-3 vetë atëherë kjo do të ishte e turpshme.

?Më mirë vonë se kurrë, unë për vete e aprovoj me të dyja duart. Por, rri me shpresën që këto që po thotë të jenë të sinqerta, nuk janë pjesë e ndonjë skeme që ai mendon vazhdimisht. Shpresoj që atë që tha se nuk do të ketë as monopol online, do të mbyllen dhe këto. Nëse mbyllen ato që janë në rrugë dhe bëjmë shumë mirë për këtë, e përshëndes për këtë punë dhe paratë e këtyre luhen në kompjuter është po e njëjta gjë, madje është pak me keq se mirë keq ai sektor kishte krijuar nja 10 mijë vende pune që është vështirë të rikuperohen. Nëse do ta transferojnë në ndonjë linjë online ku paratë i marrin të huaj dhe 2-3 në Shqipëri kjo do të jetë shumë e turpshme. Ditën që t’i mbyllë unë do ti them i pari faleminderit?,- u shpreh Shehi./ CNA.al





Lajmet e fundit nga