Shpjegimi i mistikëve: Ja çfarë kuptimi kanë ëndrrat që shihni me të afërm të vdekur

12 Tetor 2018, 11:53, Aktualitet CNA

Të gjallët gjithmonë i ka munduar mendimi dhe malli për të dashurit që nuk janë më në këtë botë. Dhe, ndonjëherë, ëndrrat janë mundësia e vetme për ?t?i parë?.

Mistikët besojnë se bota e ëndrrave tona mund të përbëjë një lidhje me botët e tjera,kështu që nuk është një rastësi fakti se që nga kohët e lashta është besuar se ëndërrimi i njerëzve të vdekur, është një shenjë e rëndësishme që nuk duhet të injorohet.

Sipas tyre, të vdekurit vijnë në ëndrrat tona me një mesazh, këshillë apo vërejtje që duhet të kuptohet në mënyrë që të shmangen problemet e panevojshme apo edhe gabimet. Psikologët besojnë se ëndërrimi i të afërmve apo miqve që kanë ndërruar jetë, është thjesht një manifestim i depresionit apo ndjenjës së fajit ndaj tyre. Por, supersticiozët kanë një mendim tjetër.

Zakonisht , sipas supersticiozëve, supozohet se ëndrra me një të vdekur (biseda me të, dëgjimi i këshillave të tij, dhe bërja e asaj që ai thotë), është një shenjë e lajmeve të papritura apo ndryshimeve në jetë.

Librat e krishterë të interpretimit të ëndrrave, ndonjëherë shpjegojnë që ne shohim ëndrra të tilla, kur shpirti i një të afërmi apo miku tonë të vdekur nuk ka gjetur ende paqe, dhe këshillohet të mbahen ceremoni përkujtmore në varreza dhe të përmbushen kërkesat e tij (për shembull, nëse në ëndërr i vdekuri kërkon ujë).

Ndërsa interpretimet pagane të ëndrrave nga ana tjetër, rekomandojmë që të plotësohen se s?bën të gjitha kërkesat e personit të ndjerë, për të shmangur zemërimin e perëndive.

Dhe ndërsa ëndërrimi i një personi të vdekur mund të jetë diçka e frikshme, kjo nganjëherë mund të jetë një shenjë e mirë. Në rastin ku shihni në ëndërr një person të vdekur që kthehet sërish në jetë, kjo mund të thotë se diçka e humbur do të rikthehet së shpejti.

Ndonjëherë ëndrrat në të cilat një person në gjumë komunikon me prindërit e tij të vdekur, ndihmon në gjetjen e paqes së brendshme, besimit, dhe madje ndikon edhe tek suksesi në punë dhe mirëqenien e familjes.